Մարիներ-1
From Wikipedia, the free encyclopedia
Մարիներ 1 (անգլ.՝ Mariner 1), ամերիկյան Ավտոմատ միջմոլորակային կայան, որը նախատեսված էր Վեներայի մոտով անցում կատարելու համար։ Կայանը ՆԱՍԱ-յի միջմոլորակային տարածության ուսումնասիրման համար նախատեսված Մարիներ ծրագրի առաջին սարքն էր։ ԱՄԿ-ն նախագծվել էր Ռեակտիվ շարժման լաբորատորիայում։ Մարիներ 1 կայանի վրա տեղակայված սարքավորումներով նախատեսվում էր չափել Վեներայի ջերմաստիճանը, մագնիսական դաշտը և մոլորակի շրջակայքում առկա լիցքավորված մասնիկները։
Արագ փաստեր Ընդհանուր տեղեկություններ, Տիեզերանավի թռիչքային տվյալները ...
Մարիներ 1 | |
Ընդհանուր տեղեկություններ | |
---|---|
Երկիր | ԱՄՆ |
Կազմակերպություն | ՆԱՍԱ / ՌՇԼ |
Խնդիրներ | Վեներայի հետազոտություններ |
Կարգավիճակ | վթարված |
Տիեզերանավի թռիչքային տվյալները | |
Կրող հրթիռ | Ատլաս-Աջենա |
Մեկնարկային հրապարակ | Քանավերալ հրվանդանի տիեզերական ուժերի կայան |
Արձակում | 1962 թ․ հուլիսի 22 |
Լուսանկար | |
Մարիներ 1 ԱՄԿ |
Փակել
Մարիներ 1-ը արձակվել է 1962 թվականի հուլիսի 22-ին Ատլաս-Աջենա կրող հրթիռի միջոցով Քանավերալ հրվանդանի տիեզերական ուժերի կայանից։ Արձակումից քիչ անց հրթիռը շեղվեց իր ուղուց մակերևույթին գտնվող կայանի հետ կապի խափանման պատճառով, և պայթեցվեց անվտանգության նկատառումներից ելնելով։