Հանոկ
From Wikipedia, the free encyclopedia
Հանոկ (կորեերեն՝ 한옥, 韓屋), կորեական ավանդական տներ։ Հանոկներն առաջին անգամ նախագծվել և կառուցվել են 14-րդ դարում Չոսոն դինաստիայի ժամանակաշրջանում[1]։
Կորեական ճարտարապետության մեջ ընդունված է, որ տան դիրքը սերտ կապ ունի իր շրջակա միջավայրի, հողի և եղանակի հետ։ Նույն սկզբունքով է նախագծված նաև տան ներքին հարդարանքը։ Կորեացիներն այս սկզբունքն անվանում են baesanimsu (hանգըլ` 배산임수, hանջա` 背山臨水), համաձայն որի կատարյալ տունը պետք է կառուցված լինի այնպես, որ հետնամասում լեռ լինի, իսկ առջևում՝ գետ։ Կորեայի տարբեր տարածաշրջաններում հանոկներն իրենց ուրույն կառուցվածքն ունեն։ Հարավային շրջաններում հանոկներն ավելի բաց են, քան հյուսիսային շրջաններում, որտեղ հատուկ ճարտարապետական կառուցվածքն օգնում է պահպանել տաքությունը[2]։