Կուպերտինո (քաղաք, ԱՄՆ)

Կուպերտինո (անգլ.՝ Cupertino, [ˌkuːpərˈtiːnoʊ]), քաղաք Կալիֆոռնիայի Սանտա Կլարա շրջանում։ Գտնվում է Սան Խոսեից մոտավորապես 20կմ և Սան Ֆրանցիսկոյից 75կմ հեռավորության վրա։ Բնակչության թիվը կազմում է 61 հազար մարդ (2019)^[3]։ Կուպերտինոն Սիլիկոնյան հովտի քաղաքներից մեկն է։

Բնակավայր
Կուպերտինո
անգլ.՝ Cupertino
Դրոշ Զինանշան
Երկիր	ԱՄՆ
Համայնք	Սանտա Կլարա շրջան
Հիմնադրված է	1955 թ.
Մակերես	29,29847 կմ², 29,155977 կմ²
ԲԾՄ	236 ֆուտ
Բնակչություն	▼60 381 մարդ (ապրիլի 1, 2020)[1]
Ժամային գոտի	UTC-8
Հեռախոսային կոդ	408
Փոստային դասիչ	95014 և 95015[2]
Պաշտոնական կայք	cupertino.org​(անգլ.)
Կուպերտինո (քաղաք, ԱՄՆ) (ԱՄՆ)
Կուպերտինո Վիքիպահեստում

Աշխարհագրություն

Կուպերտինոն հյուսիսից սահմանակից է Սանիվեյլին, հյուսիս-արևելքից՝ Սանտա Կլարային, արևելքից և հարավ-արևելքից՝ Սան Խոսեին, հարավից՝ Սարատոգային, իսկ հարավ-արևմուտքից՝ Սանտա Կրուզ ժայռերին։ Կուպերտինոն ավելի մոտ է ժայռերին, քան Սան Ֆրանցիսկոյի ծովախորշին, որի երկայնքով հիմնականում կենտրոնացած են Սիլիկոնյան հովտի բիզնեսի սիրտը կազմող տեխնոլոգիական ընկերությունների գրասենյակները։

Ժողովրդագրություն

Պատմականորեն Կուպերտինոն (Սան Ֆրանցիսկոյի Չայնաթաունի հետ) եղել է Չինաստանից արտագաղթողների կենտրոն։ Ներկայումս ևս ասիական ծագում ունեցող բնակիչների մասնաբաժինը գերազանցում է 60%-ը։

Կրթություն

Կուպերտինոյում են գտնվում մի շարք խոշոր ՏՏ ընկերությունների գլխամասային գրասենյակները, այդ թվում՝ «Apple» և «Symantec» և այլն։ Այստեղ են գտնվում նաև Սան Ֆրանցիսկոյի ծովախորշի լավագույն դպրոցները (օրինակ՝ Monta Vista, Lynbrook, Homestead и Cupertino High)։ Առաջին երկուսը Կալիֆոռնիայի լավագույն դպրոցներից են ընդհանրապես։ Այս հանգամանքը գրավում է բարձր եկամուտ ունեցող ընտանիքներին, որոնք փորձում են լավագույն կրթություն տալ իրենց երեխաներին։

Կուպերտինոյում է գտնվում նաև Դե Անզի քոլեջը, որը պատրաստում է մոտ 22 000 ուսանողի, ինչպես նաև կորպորատիվ վերապատրաստման կենտրոն է Apple-ի աշխատակիցների համար։

Տեղանուն

Կուպերտինոն անվանվել է Արոյո Սան Խոսե դե Կուպերտինո վտակի, ներկայումս՝ Սթիվենս Քրիք գետերի պատվին։ Գետի նախկին անվանումը տրվել է իսպանացի հետախույզ Խուան Բաուտիստա դե Անսի կողմից՝ ի պատիվ Սուրբ Ջուզեպպե Կուպերտիանացու։ Սուրբն իր անունը ստացել է Իտալիայի Ապուլիա շրջանի Կուպերտինո քաղաքից։ 20-րդ դարի սկզբին Կուպերտինոն փոխարինել է նախկին անվանումը՝ Վեսթ Սայդ։

Տնտեսություն

2010 թվականի տվյալներով՝ Կուպերտինոյում ամենամեծ գործատուներն են^[4]․

#	Գործատու	Աշխատակիցների թիվը
1	«Apple»	34300 (տարածաշրջանում)
2	«Օրաքլ»	8000(տարածաշրջանում)
3	«Foothill-De Anza Community College District»	3100
4	«Hewlett-Packard»	3000
5	«Cupertino Union School District»	1679
6	«ArcSight»	512
7	«Fremont Union High School District»	429
8	«Chordiant»	285
9	«The Forum at Rancho San Antonio»	285
10	«Trend Micro»	250

Քույր քաղաքներ

•  Բհուբանեշվար, Հնդկաստան
•  Կոպերտինո, Իտալիա
•  Յուեյան, Չինաստան
•  Սինչժու, Թայվան
•  Տոյոկավա, Ճապոնիա

Ծանոթագրություններ

1. 2020 թվականի ԱՄՆ մարդահամար / United States Census Bureau
2. https://www.zip-codes.com/city/ca-cupertino.asp#zipcodes
3. «U.S. Census Bureau». Արխիվացված է օրիգինալից 2012 թ․ հունիսի 5-ին. Վերցված է 2012 թ․ մարտի 28-ին.
4. «City of Cupertino CAFR». Արխիվացված օրիգինալից 2016 թ․ մայիսի 28-ին. Վերցված է 2012 թ․ սեպտեմբերի 9-ին.