Կումուլացված կապեր

Կումուլացված կապեր (լատին․՝  cumulatio—հավաքել, կուտակել), կապերի համակարգ, որում առնվազն ատոմներից մեկը կրկնակի կապերով միացած է հարևան երկու ատոմներին։ ${\displaystyle >C=C=C<}$ խմբավորմամբ կումուլացված կապերը կազմված են երկու ${\displaystyle \sigma -}$ և երկու ${\displaystyle \pi -}$ կապերից։ ${\displaystyle \sigma -}$ կապերը առաջանում են ${\displaystyle sp}$ հիբրիդացված վիճակում գտնվող ածխածնի ատոմի երկու ատոմային օրբիտալներով, որի պատճառով ${\displaystyle C=C=C}$ խմբավորումը գծային է։ Իսկ ${\displaystyle \pi -}$ կապերն առաջանում են երկու ${\displaystyle p-}$ օրբիտալներով այնպես, որ ${\displaystyle \pi -}$ կապերի հարթությունները փոխադարձ ուղղահայաց են։ Կումուլացված կապերով օրգանական միացությունների դասերն են՝ ալենները ՝ ${\displaystyle (>C=C=C<)}$, կետենները ${\displaystyle (>C=C=O)}$, կետիմինները ${\displaystyle (>C=C=N-)}$, կումուլենները ${\displaystyle (>C=(=C=)_{n}=C<)}$, կարբոդիիմիդները ${\displaystyle (-N=C=N-)}$, իզոցիանատները ${\displaystyle (-N=C=O)}$ և իզոթիոցիանատները ${\displaystyle (-N=C=S)}$։ Կումուլացված կապերով միացությունները քիմիապես շատ ակտիվ են։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 12)։