Կոսցյուշկո (ազգային պարկ)
From Wikipedia, the free encyclopedia
From Wikipedia, the free encyclopedia
Կոսցյուշկո (Kosciuszko National Park), Ավստրալիայի Նոր Հարավային Ուելսի ամենախոշոր ազգային պարկը։ Ազգային պարկը հանդիսանում է Ավստրալիական Ալպերի մի մասը և իր անվանումն ստացել է համանուն սարի անվանումից, որն Ավստրալիայի ամենաբարձր գագաթն է և տեղակայված է պարկի տարածքում։ Անգլերեն արտասանվում է Կոզի-օսկո (ˈkɔziˌɔskoʊ):
Տեսակ | Ավստրալիայի ազգային պարկ, բնակելի տարածք և ազգային պարկ |
---|---|
Երկիր | Ավստրալիա[1] |
Վարչատարածք | Նոր Հարավային Ուելս[1][2], Snowy Monaro Regional Council? և Snowy River Shire?[2][2][2] |
Հիմնվել է | 1944 և 2016[3] |
Մակերես | 6,73492 կմ² և 6886,2082020133 կմ²[3] |
ԲԾՄ | 1337 մետր |
1977 թվականից պարկի տարածքի մեծ մասը ներառված է Կենսոլորտային տարածքների համաշխարհային ցանցի մեջ[4]։ 1996 թվականին պարկի տարածքում տեղակայված Բլու Լեյք լիճը ներառվեց ջրաճահճային հողահանդերի ցանկի մեջ, որոնք պահպանվում են Ռամսարի կոնվենցիայով[5]։ 2008 թվականին Կոսցյուշկո ազգային պարկը, Ավստրալիական Ալպերում պահպանվող մյուս տարածքների հետ միասին, ներառվեց Ավստրալիայի մշակութային ժառանգության ցանկի մեջ[6]։
Ազգային պարկը տեղակայված է նահանգի արևելքում և սահմանակցում է Վիկտորիա նահանգում գտնվող Նումանջի ազգային պարկի հետ։ Այն հանդիսանում է Նոր Հարավային Ուելսի և Ավստրալիական Ալպերի ամենախոշոր ազգային պարկը։ Ազգային պարկի տարածքում տեղակայված Կոսցյուշկո լեռան բարձրությունը հասնում է 2228 մետրի[7]։ Ծովի մակերևույթից ունեցած բարձրությունը տատանվում է 213 մետրից մինչ այդ նշագրումը[4]։
Ազգային պարկի տարածքից են սկիզբ առնում շրջանի խոշորագույն գետերը՝ Սնոուի-Ռիվերը, Մուրեյը և Մառամբիջին[4]։ Բացի այդ, ազգային պարկի տարածքում տեղակայված են սառցադաշտային ծագման այնպիսի լճեր, ինչպիսիք են՝ Բլու Լեյքը, Ալբինան և Հեդլի-Թարնը։ Բլու Լեյք լիճը հանդիսանում է Ավստրալիայի 4 լճերից մեկը, որը տեղակայված է կարի հիմքում[5]։
Կենսոլորտային ռեզերվատն զբաղեցնում է ազգային պարկի գրեթե ամբողջ մակերեսը՝ 6255,25 կմ²[4]։
Ազգային պարկի տարածքում տեղակայված է վայրի բնության 6 գոտի՝ Byadbo, Pilot, Jagungal, Bogong Peaks, Goobarragandra և Bimberi: Դրանց ընդհանուր մակերեսը կազմում է մոտ 3000 կմ²։ Այս աճում են հազվագյուտ տեսակներ, այդ թվում՝ էնդեմիկներ[7]։
Ազգային պարկի տարածքում ազվադեպ հանդիպող կենդանիներից են՝ Burramys parvus-ը, որը մինչև 1966 թվականը համարվում էր անհետացած, ինչպես նաև Pseudophryne corroboree-ը[7]։
Կոսցյուշկո ազգային պարկը հանդիսանում է Ավստրալիայի ամենահայտնի ազգային պարկերից մեկը, այն ամեն տարի այցելում է 3 միլիոնից ավելի զբոսաշրջիկ։ Նոր Հարավային Ուելսի լեռնադահուկային բոլոր առողջարանները տեղակայված են ազգային պարկի տարածքում[7]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.