From Wikipedia, the free encyclopedia
Կոկո Թեյլոր (անգլ.՝ Koko Taylor, սեպտեմբերի 28, 1928[1][2], Մեմֆիս, Թենեսի, ԱՄՆ[3] - հունիսի 3, 2009[4][5], Չիկագո[1]), ամերիկացի երգչուհի, իր յուրահատուկ ձայնի համար կոչվել է «Բլյուզի թագուհի»[7]։
Կոկո Թեյլոր | |
---|---|
![]() | |
Ծնվել է | սեպտեմբերի 28, 1928[1][2] Մեմֆիս, Թենեսի, ԱՄՆ[3] |
Երկիր | ![]() |
Մահացել է | հունիսի 3, 2009[4][5] (80 տարեկան) Չիկագո[1] |
Ժանրեր | բլյուզ[6], Chicago blues?, ռիթմ էնդ բլյուզ, սոուլ և soul blues? |
Մասնագիտություն | կոմպոզիտոր և երգչուհի |
Երգչաձայն | կոնտրալտո |
Գործիքներ | վոկալ[6] |
Լեյբլ | Alligator Records?, Checker? և Chess Records |
Կայք | kokotaylor.com |
![]() |
Կոկո Թեյլորը 11 տարեկանում կորցրել է ծնողներին։ Նա և իր հինգ քույր-եղբայրները մանկուց ստիպված են եղել աշխատել բամբակի պլանտացիաներում։ 1950 թվականին նա բեռնատարի վարորդ Ռոբերտ Թեյլորի հետ տեղափոխվել է Չիկագո և շուտով ամուսնացել նրա հետ։ Նա աշխատանքի է ընդունվել որպես տնային տնտեսուհի, իսկ երեկոյան բլյուզ է կատարել գիշերային ակումբներում։
1963 թվականին ամուսնու կապերի շնորհիվ նա պայմանագիր է կնքել «Chess Records» ձայնագրման ստուդիայի հետ և շուտով հայտնի դարձել[8]։ Երբ 1975 թվականին «Chess Records»-ը փակվել է Թեյլորը սկսել է համագործակցել «Alligator Records» ձայնագրման ստուդիայի հետ հետ, որը տևել է երեք տասնամյակ։
Երգչուհին բեմ է դուրս եկել ԱՄՆ նախագահների մեծարման ժամանակ՝ Ջորջ Բուշի երդմնակալության ժամանակ[9] և երկու անգամ՝ Բիլ Քլինթոնի երդմնակալության ժամանակ։ Նա բազմաթիվ մրցանակների դափնեկիր է, այդ թվում՝ 1985 թվականի «Գրեմմի» լավագույն բլյուզ ալբոմի համար։ Երգչուհին Կոկո մականունը ստացել է շոկոլադի հանդեպ իր սիրո համար։
Կոկոյի ստեղծագործական կարիերան տևել է գրեթե հինգ տասնամյակ, որի ընթացքում նա ձայնագրել է այնպիսի աշխարհահռչակ ստեղծագործություններ, ինչպիսիք են «Wang Dang Doodle» (1965, համարվում է նրա ամենամեծ հիթը), «What Kind of Man is This» և «I Got What It Takes»-ը։
Երգչուհին յոթ անգամ առաջադրվել է Գրեմմի մրցանակի, սակայն այն ստացել է միայն 1984 թվականին «Blues Explosion» ալբոմի համար։ Վերջին ալբոմը՝ «Old School»-ը, թողարկվել է 2007 թվականին։ Չնայած վատթարացող առողջական վիճակին, նա շարունակել է ելույթները և իր վերջին համերգը տվել է մահից մեկ ամիս առաջ։
Նա մահացել է 2009 թվականի հունիսի 3-ին Չիկագոյի հիվանդանոցում, երկարատև հիվանդությունից հետո։ Երգչուհու մահվան պատճառը մայիսի 19-ի վիրահատությունից հետո առաջացած բարդություններն էին (ստամոքս-աղիքային արյունահոսություն)[10][11]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.