From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Կոլգա դաստակերտ (էստ․՝ Kolga mõis, գերմ.՝ Kolk), ազնվականական նախկին կալվածք Էստոնիայի հյուսիսում՝ Հարյումաա նահանգի Կուուսալու շրջանում։
 | |
|---|---|
 | |
| Տեսակ | manor? |
| Երկիր |  Ռուսական կայսրություն |
| Տեղագրություն | Կուուսալու ծուխ |
| Կազմված է | Kolga manor house? |
| Առաջին հիշատակում | 1298 |
 | |
 | |
1230 թվականին դանիայի թագավորը Կոլգայի շրջակա տարածքները տալիս է Գոտլանդ կղզում գտնվող մենաստանին (Sancta Maria de Guvnalia in Roma)։ Հավանաբար դրանից քիչ ժամանակ անց կառուցվել է Կոլգա դաստակերտը՝ որպես կալվածքի կենտրոն։ Կոլգա դաստակերտը հիշատակվում է 1298 թվականին[1]։
Միջնադարում դաստակերտը վերածվում է քարե ամրոցի, որ պաշտպանվում էր աշտարակով։ Լիվոնյան պատերազմի տարիներին ամրոցն ավերվում է և վերջնականապես քանդվում 17-րդ դարում։
1581 թվականին Շվեդիայի արքա Յուհան III-ը Կոլգան ու շրջակա տարածքները նվիրում է շվեդ հայտնի զորավար Պոնտուս Դելագարդիին, ով 1658 թ. դաստակերտը տալիս է իր ազգական Ստենբոկներին, որ ազնվականական հայտնի տոհմից էին։ Դաստակերտը Ստենբոկների ձեռքում մնում է մինչև 1940 թ., երբ այն պետականացվում է։
1642 թվականին կառուցվում է դաստակերտի առաջին քարե շինությունը, որ հավանաբար միհարկանի էր։ 1758-68 թվականներին այն դարձվել է երկհարկ։ 1820-ական թթ. շինությւոնը վերակառուցվել է և ձեռք բերել կլասիցիզմի ոճով կառուցված ապարանքի տեսք։ Այդպիսին էլ այն պահպանվել է մինչև մեր օրերը։
Դաստակերտի գլխավոր մանաշենքին 18-րդ դարում ավելացվել են օժանդակ բազմաթիվ շինություններ, որոնք մասին կազմում են ճարտարապետական գեղեցիկ համալիր։ Գլխավոր մասնաշենքի հետևում էին գտնվում կառավարչի տունը, սպասավորի տունն ու պահեստը, որոնց միջև փոքր բակ էր։ Գլխավոր մասնաշենքի առջև մեծ բակն էր, որի կողքերին էին տեղակայված ձիանոցն ու կառքերի տնակը (վերջինս չի պահպանվել)։
Ներկայումս դաստակերտը վերադարձվել է Ստենբոկների ընտանիքին։ 1980-90-ական թվականներին վերակառուցված ձիանոցում այժմ գործում է հյուրանոց։ Գլխավոր մասնաշենքում այժմ գործում է ռեստորան։
