Կեֆալոս
From Wikipedia, the free encyclopedia
From Wikipedia, the free encyclopedia
Կեֆալոս[1] (հուն․՝ Κέφαλος[2]), փոքր քաղաք Հունաստանում։ Գտնվում է ծովի մակարդակից 86 մ բարձրության վրա[3], Կոս կղզու հարավարևմտյան մասում, Կոս քաղաքից 34 կմ հարավ-արևմուտք և «Իպոկրատիս» միջազգային օդանավակայանից 13 կմ հարավ-արևմուտք։ Մտնում է Հարավային Եգեյան կղզիների պերիֆերիայի կազմի մեջ գտնվող Կոս համայնքի մեջ։ Ըստ 2011 թվականի տվյալների՝ Կեֆալոսի բնակչության թիվը կազմել է 2156 մարդ[2]։ Կեֆալոսի շրջակայքում գտնվող Ասպրի-Պետրա (Σπήλαιο Ασπρης Πέτρας) քարայրի հայտնաբերումները ապացուցում են, որ Կոսի բնակեցումը սկսվել է նեոլիթի ժամանակաշրջանում։ Կեֆալոսի մոտակայքում է գտնվում Աստիպալեյայի (հին հունարեն՝ Ἀστυπάλαια) փլատակները, որը մինչև մ. թ. 366 թվականը եղել է կղզու մայրաքաղաքը[4]։ Այնուհետև Աստիպալեյան գրեթե ամբողջովին ավերվել է, հին քաղաքից մնացել են միայն ավերակներ։ Կեֆալոսում են գտնվում Սուրբ Ստեֆանոսի երկու բազիլիկները և 15-րդ դարի վերջ և 16-րդ դարի սկզբներին կառուցված հոսպիտալերների ամրոցը[5]։ Առողջարանը հռչակավոր է իր ավազոտ գեղատեսիլ ծովափով և ավանդական ճարտարապետությամբ, քաղաքին որպես բնորոշ հատկանիշ ծառայող հնամյա հողմաղացով[6][7]։
Երկիր | Հունաստան |
---|---|
Կարգավիճակ | բնակավայր |
Մտնում է | Kos Municipality? և Commune of Kefalos, Kos? |
Բնակչություն | ▲2329 մարդ (2021) |
Համայնքը ստեղծվել է 1948 թվականին[8]։ Համայնքի մեջ մտնում է 4 բնակավայր։ Ըստ 2011 թվականի մարդահամարի տվյալների՝ բնակչության թիվը հասնում է 2638 մարդու[2]։ Մակերեսը 73,388 կմ² է[3]։
Բնակավայր | Բնակչություն (2011)[2], մարդ |
---|---|
Կամարիոն | 154 |
Կամբոս | 228 |
Կեֆալոս | 2156 |
Օնիյա | 100 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.