Լևոն Կարապետյան
հայ ռազմական գործիչ From Wikipedia, the free encyclopedia
Լևոն Սեդրակի Կարապետյան (հունիսի 18, 1936, Երևան, Հայկական ԽՍՀ, ԱԽՖՍՀ, ԽՍՀՄ - հունիսի 7, 2003, Երևան, Հայաստան), հայ ռազմական գործիչ։ Հայաստանի զինված ուժերի գեներալ-մայոր (2000):
- Վիքիպեդիայում կան հոդվածներ Կարապետյան ազգանունով այլ մարդկանց մասին։
| Լևոն Կարապետյան | |
|---|---|
| հունիսի 18, 1936 - հունիսի 7, 2003 (66 տարեկան) | |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կոչում | գեներալ-մայոր |
| Կրթություն | Ռոստովի պետական տրանսպորտի համալսարան |
| Պարգևներ |     և  |
Մուրադ Կարապետյանի հայրը։
Լևոն Կարապետյանը ծնվել է 1936 թվականի հունիսի 18-ին, Երևանում։ Ծառայել է Խորհրդային բանակում։ 1959 թվականին ընդունվել է ՌՍՖՍՀ գերագույն խորհրդի անվան համազորային-հրամանատարական զինվորական բարձրագույն ուսումնարանը, 1971 թվականին՝ Դոնի Ռոստովի երկաթուղային տրանսպորտի ինստիտուտը։ Սպայական զինվորական ծառայությունը սկսել է Գերմանիայի դեմոկրատական հանրապետությունում, եղել է մոտոհրաձգային դասակի հրամանատար, հետախուզական խմբի պետ, վաշտի հրամանատար։ 1967 թվականին տեղափոխվել է Անդրկովկասյան ռազմական օկրուգ և ծառայության անցել Հայաստանի Լենինյան շրջանի զինկոմիսարիատում` որպես բաժնի պետի օգնական, եղել է Հայաստանի գլխավոր զինկոմի տեղակալ։ 1992 թվականին ծառայության է անցել հայկական բանակի շարքերում, եղել է Հայաստանի զինված ուժերի կազմակերպչական-զորահավաքային վարչության հիմնադիրներից մեկը և առաջին ղեկավարը։ Մինչև 2002 թվականը ղեկավարել է ԶՈւ կազմակերպչական-զորահավաքային վարչությունը։ 2000 թվականին ստացել է գեներալ-մայորի զինվորական կոչում[1]։
Լևոն Կարապետյանը մահացել է 2003 թվականի հունիսի 7-ին, Երևանում[2]։
Խորհրդային բանակում և հայկական բանակում երկամյա անբասիր ու անձնվեր ծառայության համար պարգևատրվել է «Կարմիր աստղ» շքանշանով, «Մարտական ծառայության համար» Խորհրդային Միության մեդալով, Հայաստանի Հանրապետության «Մարշալ Բաղրամյան», «Դրաստամատ Կանայան» և «Մարտական ծառայության» մեդալներով։
- «Կարմիր աստղ» շքանշան։
- «Մարտական ծառայության համար» Խորհրդային Միության մեդալ։
- Հայաստանի Հանրապետության «Մարշալ Բաղրամյան» մեդալ։
- «Դրաստամատ Կանայան» մեդալ։
- «Մարտական ծառայության» մեդալ։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
