Լռություն (նկար)

«Լռություն» (անգլ.՝ Silence), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1870-ական թվականներին։ Ներկայումս աշխատանքը գտնվում է Բրուքլինի թանգարանի հավաքածուում։

Լռություն
տեսակ	գեղանկար
նկարիչ	Դանթե Գաբրիել Ռոսսետտի
տարի	1870
բարձրություն	106,4 սանտիմետր
լայնություն	77,2 սանտիմետր
գտնվում է	Բրուքլինի թանգարան[1]
հավաքածու	Բրուքլինի թանգարան[1]
Ծանոթագրություններ

Այս նկարի համար բնորդուհի է դարձել Ջեյն Մորիսը։ «Լռություն» նկարը պետք է ստեղծվեր որպես կտավի վրա յուղաներկով արված լիարժեք աշխատանք, սակայն նկարչի մտահղացումը այդպես էլ չի իրականացվել^[2]։ Աշխատանքն իրականացվել է թղթի վրա գունանյութով և անավարտ է թվում բազմաթիվ ձեռք չտված սպիտակ հատվածների պատճառով, սակայն դա արված է մտահղացմանը համապատասխան՝ պատկերել լռությունը, որը հնարավոր չէ տեսնել և լսել^[3]։

Նկարիչը նկարի սիմվոլիզմը բացատրել է իր նամակներից մեկում։ Լռության անձնավորումը իր ձեռքում պահում է դեղձենու ճյուղ, որը հնագույն ժամանակներում օգտագործվող սիմվոլ է. դեղձի պտուղը խորհրդանշել է մարդկային սիրտը, իսկ տերևը՝ մարդկային լեզուն^[4]։ Լռության այդպիսի պատկերումը և միստիկ խորասուզումը Ռոսսետտիի ազդեցությամբ իր արտացոլումն է գտել 19-րդ դարի վերջին սիմվոլիստական արվեստում^[3]։

Աշխատանքը կարող է ունենալ և նկարչի կենսագրության հետ կապված մեկնաբանություն։ Ժամանակակիցների վկայությամբ՝ Ջեյն Մորիսը եղել է չափազանց լռակյաց կին, նրա անխոսությունը զուսպ և անտարբեր էություն ունեցողի անուն է ստեղծել նրա համար^[3]։ Նկարը կարող էր յուրօրինակ ձևով արտացոլած լինել Ջեյն Մորիսի բնավորությունը^[3]։

Ինչպես և իր շատ այլ աշխատանքների, այնպես էլ այս դիմանկարի համար Ռոսսետտին հորինել է ուղեկցող սոնետ։ Վերջնական տարբերակը նա նամակով ուղարկել է Ջեյն Մորիսին 1878 թվականին^[4]։

Նկարը վաճառվել է Ռոսսետտիի հիվանդության ժամանակ՝ 1872 թվականին, առանց նրա գիտության։ 1876 թվականին նկարիչը հետ է գնել այն և վերավաճառել Չառլզ Ռոուլին 210 ֆունտով^[5]։

Ծանոթագրություններ

1. http://www.brooklynmuseum.org/opencollection/objects/59995/Silence
2. Marillier, Henry Currie. Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 157.
3. «'Silence', Dante Gabriel Rossetti». Walker Art Gallery.
4. «Silence. For a Design». Rossetti Archive.
5. «Silence». Rossetti Archive.