From Wikipedia, the free encyclopedia
Լի Սոլ Չժու (կոր.՝ 리설주, 李雪主, սեպտեմբերի 28, 1985, Chongjin, ԿԺԴՀ[1][2][3]), Հյուսիսային Կորեայի առաջնորդ Կիմ Ջոնգ Ունի հարսնացուն։ ԿԺԴՀ լրատվամիջոցներն առաջին անգամ նրանց օրինականացված հարաբերությունների մասին հաղորդել են 2012 թվականի հուլիսի 25-ին։ Դրանից մի քանի շաբաթ անց զույգը սկսել է հասարակության առջև հայտնվել։
Լի Սոլ Չժու կորեերեն՝ 리설주 | |
---|---|
![]() | |
Ծնվել է | սեպտեմբերի 28, 1985 (38 տարեկան) |
Ծննդավայր | Chongjin, ԿԺԴՀ |
Քաղաքացիություն | ![]() |
Կրոն | աթեիզմ |
Կրթություն | Կիմ Իլ Սոնգի համալսարան |
Մասնագիտություն | երգչուհի |
Ամուսին | Կիմ Ջոնգ Ուն |
Զբաղեցրած պաշտոններ | First Lady of North Korea? և Spouse of the Supreme Leader of the Democratic People's Republic of Korea? |
Կուսակցություն | Կորեայի աշխատավորների կուսակցություն |
Երեխաներ | Կիմ Ջու Է և Կիմ Ջոնգ Ունի առաջնեկ |
![]() |
ԼԻ Սոլ Չժուն Փհենյանի Կիմ Իր Սենի անվան համալսարանի շրջանավարտ է։ Հայրը դասախոս է, իսկ մայրը՝ բժիշկ։
2005 թվականին այցելել է Հարավային Կորեա՝ Ինչոնում կայացած աթլետիկայի ասիական առաջնության ժամանակ Հյուսիսային Կորեայի պատվիրակության աջակցող խմբի կազմում[1]։
Ենթադրվում է, որ Կիմ Ջոնգ Ունը նրա հետ հարաբերությունները օրինականացրել է 2009 թվականին[4][5]։ Լրատվամիջոցներից ստացված տեղեկատվության համաձայն՝ 2010 թվականի աշնանը-ձմռանը կամ 2011 թվականի ձմռանը նա երեխա է ունեցել[6], նրա երկրորդ երեխան ծնվել է 2012 թվականի դեկտեմբերի վերջին, երեխան ստացել է Չժու Է․ անունը։ 2017 թվականին Հարավային Կորեայի հետախուզությունը հաղորդել է Քիմի և Լիի երրորդ երեխայի ծննդյան մասին[7]։
ԿԺԴՀ լրատվամիջոցներն առաջին անգամ նրա՝ որպես Կիմ Ջոնգ Ունի կնոջ մասին հաղորդել են 2012 թվականի հուլիսի 25-ին, չնայած զույգը հասարակության մեջ սկսել է հայտնվել դրանից մի քանի շաբաթ առաջ[8][9]։ Այնուհետև Լի Սոլ Չժուն սկսել է պարբերաբար հիշատակվել Կորեայի աշխատավորական կուսակցության «Նոդոնգ սինմուն» կենտրոնական թերթի նյութերում՝ տարբեր պաշտոնական միջոցառումներին նրա ամուսնու մասնակցությանը նվիրված։ Միևնույն ժամանակ, հոդվածները նկարազարդվել են լուսանկարներով, որոնցում ամուսինները միասին էին[10][11]։ Հարսանիքը կայացել է դրանից մեկ տարի անց։
Ըստ որոշ դիտորդների՝ իր կնոջ ազդեցությամբ Կիմ Չեն Ունը որոշակիորեն թուլացրել է Հյուսիսային Կորեայի կանանց արտաքին տեսքի պահանջները։ Վերացվել է նաև կանանց հեծանվավազքի արգելքը․ նրանց այժմ թույլատրվում է հագնել կոստյումներ և ջինսեր, սև զուգագուլպաներ, կոշիկներ և բարձրակրունկներ[12][13]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.