From Wikipedia, the free encyclopedia
Լա Մադդալենա (իտալ.՝ Arcipelago della Maddalena), կղզեխումբ Բոնիֆաչոյի նեղուցի մեջտեղում գտնվող Կորսիկա (Ֆրանսիա) երկրամասում և Սարդինիայի (Իտալիա) հյուսիսարևելյան հատվածում։ Բաղկացած է 7 հիմնական կղզիներից և բազմաթիվ այլ մանր կղզյակներից։
 Archipiélago de la Magdalena | ||
 ' | ||
| Կոորդինատներ | ||
| Երկիր | Իտալիա | |
| Տեղագրություն | Բոնիֆաչոյի նեղուց | |
Ամենամեծ կղզին Իսոլա Մադդալենան է, որի վրա տեղակայված է կղզեխմբի ամենամեծ քաղաքը՝ Լա Մադդալենան։ Մյուս կղզիներն են (ըստ մեծության) Կապրերան, Սպարգին, Սանտո Ստեֆանոն, Սանտա Մարիան, Բուդելլին և Ռազոլին։ Միայն Մադդալենան, Կապրերան և Սանտո Ստեֆանոն են բնակեցված։ Ընկած լինելով Կոստա Սմերալդա զբոսաշրջային գոտու հարևանությամբ, Մադդալենան ունի նույն մաքուր ջրերը և գրանիտե ջրափնյա գիծը, սակայն մնում է ապաստարան վայրի բնության համար։ Այն համարվում է ազգային պարկ և կոչվում է Լա Մադդալենա կղզեխմբի ազգային պարկ։ Հայտնի զբոսաշրջային վայր է, հատկապես նավարկության սիրահարների համար։ 2006 թվականին ընդգրկվել է ՅՈՒՆԵՍԿՕ-ի կողմից Համաշխարհային ժառանգության թեկնածու օբյեկտների ցանկում։
Կղզիները բնակեցված են եղել սկսած նախապատմական ժամանակներից։ Բնակիչները հռոմեացիների շրջանում հայտնի էին որպես Կունիկուլարիա և մ․թ․ա 2-ից 1-ին դարերի ընթացքում զբաղված են եղել նավագնացությամբ։ Մադդալենաներն ունեն ռազմավարական արժեք և դրանք քննարկման առարկա էին 13-րդ դարում Պիզայի ու Ջենովայի հանրապետություններում։ Երկար ժամանակահատված լքված լինելով՝ 18-րդ դարում այն կրկին գաղութացվել է կորսիկյան հովիվների և սարդինյան բնակավայրի բնակիչների կողմից։ Նապոլեոն Բոնապարտը, Հորացիո Նելսոնը և Ջուզեպպե Գարիբալդին ունեն պատմական կապ այդ տարածքի հետ։
Սան Ստեֆանո կղզին ՆԱՏՕ-ի ռազմածովային բազան է, որը տեղակայված է ԱՄՆ-ի միջուկային սուզանավում, ինչը փակվել է 2008 թվականին։ Վարչականորեն կղզիները Օլիբիա Տեմպիո մարզում են, դրանք Սասսարից տեղափոխվել են 2005 թվականին։ Հաղորդակցության հիմնական միջոցը Պալաուից մինչև Լա Մադդալենա լաստանավով տեղափոխումն է։ Ճանապարհներ կան միայն Լա Մադդալենայում և Կապրերայում։
.jpg)
 | Վիքիպահեստն ունի նյութեր, որոնք վերաբերում են «Լա Մադդալենա կղզեխումբ» հոդվածին։ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
