![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/Lucky_Diamond_Rich_face.jpg/640px-Lucky_Diamond_Rich_face.jpg&w=640&q=50)
Լաքի Դայմոնդ Ռիչ
From Wikipedia, the free encyclopedia
Լաքի Դայմոնդ Ռիչ (1971, Նոր Զելանդիա), կրկեսի արտիստ և հասարակ քաղաքացի, ով 2006 թվականին գրանցվել է Գինեսի ռեկորդների գրքում՝ որպես աշխարհի ամենաշատ դաջվածքներ ունեցող մարդ։ Նրա մարմնի գրեթե 100%-ը պատված է դաջվածքներով, այդ թվում նաև առնանդամը, ականջները և բերանը[1]։ Հիմնականում զբաղվում է փողոցային ցուցադրություններով։ Հաճախ մասնակցում է տարբեր միջոցառումների և միջազգային ելույթների։ Ռիչի ամենահայտնի համարներից մեկը սուսեր կուլ տալն է։ Նաև կատարում է աճպարարական հնարքներ մոնոցիկլի վրա կանգնած[2]։
Լաքի Դայմոնդ Ռիչ | |
---|---|
![]() | |
Ծնվել է | 1971 |
Ծննդավայր | Նոր Զելանդիա |
Քաղաքացիություն | ![]() |
Մասնագիտություն | կրկեսի դերասան |
![]() |
Ամբողջ մարմինը դաջվածքներով պատելու գաղափարը նա ունեցել է դեռևս մանկուց։ Ռիչի առաջին դաջվածքը քորոցի տեսք ունի, գտնվում է կողային մասում[3]։ Մարմինը լիովին դաջվածքներով պատելուց հետո նա ցանկացավ դրանց երանգներ տալ և ավելացրեց մոտավորապես 3 գույն[4]։