Իտատիա ազգային պարկ

Իտատիա ազգային պարկ (պորտ.՝ Parque Nacional do Itatiaia), ամենահին ազգային պարկը Բրազիլիայում, որը հիմնադրվել է 1937 թվականին։ Այն գտնվում է Ռիո դե Ժանեյրո և Մինաս Ժերայս նահանգների միջև։

Իտատիա ազգային պարկ Parque Nacional do Itatiaia
Տեսակ	ազգային պարկ
Կազմված է	Անտլանտյան անտառ
Մասն է	Serra da Mantiqueira Environmental Protection Area?
Երկիր	Բրազիլիա
Վարչատարածք	Իտատիա, Մինաս Ժերաիս և Ռիո դե Ժանեյրո
Հիմնվել է	հունիսի 14, 1937[1]
Մակերես	28 086 հեկտար[2]
ԲԾՄ	1248 մետր և 407 մետր
Կառավարում	Բրազիլիայի դաշնային կառավարություն

Տեղագրություն

Իտատիա ազգային պարկը Բրազիլիայի ամենահին ազգային պարկն է, որը ստեղծվել է 1937 թվականի հունիսի 14-ին նախագահ Ժետուլիու Վարգասի կողմից։ Պարկը գտնվում է Սերրա դա Մանտիկեյրա լեռնազանգվածում։ Այն ընդգրկում է Ռիո դե Ժանեյրո նահանգի Իտատիա և Ռեզենդե քաղաքները, և Մինաս Ժերայս նահանգի Բոկայնա դի Մինաս և Իտամոնտի համայնքները։ Ազգային պարկը լեռնային և ժայռոտ տարածք է, որի բարձրությունը կազմում 540-2791 մետր։ Ամենաբարձր կետը Ագուլյաս Նեգրաս լեռնագագաթն է^[3]։

Պարկի առավելագույն բարձրություն ունեցող հատվածից սկիզբ են առնում 12 գետավազններ, որոնք սնում են Պարանա գետի վտակ Ռիո Գրանդե գետը, և Պարաիբա դու Սուլը, որն էլ ամենակարևոր գետն է Ռիո դե Ժանեյրո նահանգում։ Պարկի առավել ցածր հատվածն ունի փարթամ անտառային (Ատլանտյան) բուսականություն և լայնահուն գետեր՝ բնական ջրավազաններով և ջրվեժներով^[3]։

Ագուլյաս Նեգրասը նահանգում երրորդ ամենաբարձր գագաթն է, որն ունի 2878 մետր բարձրություն։ Պարկը գրավում է թռչնադիտող զբոսաշրջիկներին աշխարհի տարբեր ծայրերից, ովքեր հնարավորություն ունեն ուսումնասիրել շուրջ 350 տեսակ թռչուններ։ Այլ գրավչություններից են արշավներն ու ժայռամագլցումը։ Պարկը շրջապատված է Սերրա դա Մանտիկեյրա բնապահպանական տարածքով, որը պահպանում է պարկի էկոլոգիական բուֆերային գոտին։

Պարկի բարձր տարածք կարելի է հասնել հիմնական մուտքից 35 կմ հեռավորության վրա գտնվող մուտքով, որտեղից հասանելի է Ագուլյաս Նեգրաս լեռնագագաթն ու Պրատելեյրաս համալիրը։ Պարկի ցածր տարածքը շատ ավելի մոտ է Իտատիա քաղաքին և ունի շատ ջրվեժներ, ինչպիսին է Véu da Noiva՝ 45 մետր բարձրությամբ։ Ցածր տարածքում կա նաև Բնական Պատմության թանգարան։ Իտատիա տուպի լեզվով նշանակում է «բազմագագաթ ժայռ»։

Պատկերասրահ

• 
  Իտատիա ազգային պարկի տեսարան
• 
  Պիկո դաս Ագուլյաս Նեգրաս՝ ամենաբարձր գագաթը ազգային պարկում
• 
  Véu de Noiva ջրվեժ

Ծանոթագրություններ

1. դեկրետ
2. https://www2.camara.leg.br/legin/fed/decret/1980-1987/decreto-87586-20-setembro-1982-437906-publicacaooriginal-1-pe.html
3. The Itatiaia National Park – ICMBio

Աղբյուրներ

• The Itatiaia National Park, ICMBio, Վերցված է 2016 թ․ մայիսի 1-ին

Վիքիպահեստն ունի նյութեր, որոնք վերաբերում են «Իտատիա ազգային պարկ» հոդվածին։