From Wikipedia, the free encyclopedia
Թիմոթի Դոնալդ Քուկ, Թիմ Քուկ (անգլ.՝ Timothy Donald "Tim" Cook, նոյեմբերի 1, 1960, Մոբիլ, Ալաբամա, ԱՄՆ), ամերիկացի գործարար, Էփլ ընկերության գործադիր տնօրենը[6]։ Քուկը Էփլին միացավ 1998 թվականի մարտին[7] որպես կազմակերպության փոխնախագահ։ Նա նաև կազմակերպության համաշխարհային վաճառքի և այլ երկրների հետ գործարքների գործադիր փոխնախագահն էր մինչև 2011 թվականի օգոստոսի 24-ին դարձավ Էփլի գործադիր տնօրենը՝ փոխարինելով Ստիվ Ջոբսին[8]։ 2011 թվականի հունվարին, երբ Ջոբսը հեռացավ Էփլից առողջական խնդիրների պատճառով, Քուկը ստանձնեց կազմակերպության գործող տնօրենի պարտականությունները[9], որի համար 2012 թվականի սկզբներին Էփլի տնօրենների խորհրդի կողմից ստացավ կազմակերպության 1 մլն բաժնետոմս, որն այդ պահին գնահատվում էր 376.2 մլն ԱՄՆ դոլար[10]։ Քուկը նաև Նայքի[8] և Ֆուտբոլի Ազգային Հիմնադրամի տնօրենների խորհրդի անդամ է[11]։ 2014 թվականին Քուկը դարձավ առաջին գործադիր տնօրենը (Fortune 500 ամսագրի ցանկից), ով հրապարակայնորեն հայտարարեց նույնասեռական լինելու մասին[12]։
Թիմ Քուկ անգլ.՝ Tim Cook | |
---|---|
![]() | |
Ծնվել է | նոյեմբերի 1, 1960[1][2] (63 տարեկան) |
Ծննդավայր | Մոբիլ, Ալաբամա, ԱՄՆ |
Քաղաքացիություն | ![]() |
Կրթություն | Օբերնի համալսարան (1982), Ֆուկուա բիզնես դպրոց (1988), Դյուքի համալսարան (1988), Robertsdale High School? և Rostrevor College? |
Մասնագիտություն | գործարար, համակարգչային գիտնական, ճարտարագետ, գլխավոր գործադիր տնօրեն, հաղորդավար և մենեջեր |
Աշխատավայր | Էփլ և IBM |
Զբաղեցրած պաշտոններ | գլխավոր գործադիր տնօրեն |
Պարգևներ և մրցանակներ | |
Կայք | apple.com/leadership/tim-cook/ |
Ստորագրություն![]() | |
![]() |
Թիմ Քուկը ծնվել է ԱՄՆ Ալաբամա նահանգի Մոբիլ քաղաքում[13] և մեծացել հարևան Ռոբերտսդեյլում։ Հայրը՝ Դոնալդը, աշխատում էր նավաշինարանում, իսկ մայրը՝ Ջերալդինը՝ դեղատանը[13][14]։
Քուկն ավարտել է Ռոբերտսդեյլի ավագ դպրոցը։ 1982 թվականին ավարտել է Օբերնի համալսարանի արդյունաբերական ճարտարագիտություն բաժինը և ստացել բակալավրի աստիճան[15], իսկ 1988 թվականին Դյուկի համալսարանի Ֆուկուա բիզնես դպրոցում սովորելուց հետո՝ բիզնեսի կառավարման մագիստրոսի աստիճան[16]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.