Էվինոս
From Wikipedia, the free encyclopedia
Էվինոս , Էվեն[1] (հուն․՝ Εύηνος, հին հունարեն՝ Εὔηνος), գետ Հունաստանում։ Երկարությունը 80 կմ է, ջրահավաք ավազանի մակերեսը՝ 1070 կմ²։ Ակունքը գտնվում է Վարդուսիա լեռան լանջին։ Գետը հոսում է Վարդուսիայի և Պանետոլիկոնի միջև, անցնում է Էտոլիայի հարավարևմտյան ուղղությամբ, հոսում է Տրիխոնիս լճի և Նավպակտիոս լեռների հին հունարեն՝ Όρη Ναυπακτίας միջև և Մեսոլոնգիոնից 10կմ հարավ-արևելք թափվում է Պատրաիկոսի ծովածոց։ Գետը ոլոր-մոլոր հունի պատճառով կոչվում է նաև «օձ»՝ Ֆիդարիս (Φίδαρης) հուն․՝ φίδι։
Էվինոս (գետ) | |
---|---|
էվինոս գետ (տեսարան Բանիա կամրջից) | |
Բնութագիր | |
Երկարություն | 80 |
Ջրահոսք | |
Ակունքի տեղակայում | Վարդուսիա լեռ |
Գետաբերանի տեղակայում | Պատրաիկոսի ծովածոց |
Կոորդինատներ | 38°18′15″ հս․. լ. 21°31′09″ ավ. ե.HGЯOL |
Տեղակայում | |
Երկիր | Հունաստան |
Երկրամաս | Nafpaktia Municipality? |
Գետը Վիքիպահեստում |
Հնում կոչվել է Լիկպաս (հուն․՝ Λυκόρμας)[2]։ Ըստ ավանդության՝ գետը կոչվել է Էվինոս, քանի որ նրանում է խեղդվել Էվեն թագավորը, որը հետապնդում էր իր աղջկան՝ Մարպեսին առևանգած Իդիասին[3]։ Այս գետի աստվածը Էվենն է՝ Օվկիանոսի և Թետիսի որդին[4]։ Գետի վրա գտնվում է նույնանուն ջրամբարը (Λίμνη Εύηνου)։ Կառուցվել են Էվինոսի ու Մորնոսի ջրամբարները իրար միացնող պատնեշը և թունելը հուն․՝ Λίμνη Μόρνου։ 1992 թվականին սկսվել է հողե պատնեշի կառուցումը, որը ավարտվել է 2001 թվականին։ 2002 թվականի հոկտեմբերին ջրամբարը լցվել է։ Ջրամբարի ծավալը 14 խմ² է[5]։