Էլ Վակրա
From Wikipedia, the free encyclopedia
From Wikipedia, the free encyclopedia
Էլ Վակրա (արաբ․՝ الوكرة), քաղաք Քաթարում, նույնանուն համայնքի վարչական կենտրոնը։ Հյուսիսում սահմանակցում է երկրի մայրաքաղաք Դոհային, իսկ նրա արևելյան ծայրամասը հարում է Պարսից ծոցի ափին։ Սկզբնապես՝ 19-րդ դարի վերջերին, եղել է ձկնորսական գյուղակ; Ներկայումս 80 հազարը գերազանցող իր բնակչությամբ համարվում է մեծությամբ երկրորդ բնակավայրը Քաթարում[2]։
Էլ Վակրան բուռն ծաղկում է ապրել 21-րդ դարի սկզբից, մայրաքաղաք Դոհայի աճին ու զարգացմանը զուգընթաց։ Դրան մեծապես նպաստել են ֆուտբոլի աշխարհի առաջնության եզրափակիչ փուլի որոշ հանդիպումների մրցասպարեզ հանդիսացող Էլ Ջանուբ մարզադաշտի[3], Al Wakrah Heritage Village-ի հանդիսավոր բացումը[4], գլխավոր ճանապարհի շահագործման հանձնումը[5], մետրոյի նորակառույց ճյուղով մայրաքաղաք Դոհայի ցանցին Էլ Վակրայի միացումը[6]։
Քաղաքի անվանումը ծագել է արաբերեն wakar բառից, որը թարգմանաբար նշանակում է թռչնաբույն և սկզբնապես տրված է եղել մերձակա բլրին[7]։
2010 թվականի մարդահամարի տվյալների համաձայն՝ քաղաքում եղել է 8.436 տնային տնտեսություն[11] և 796 հաստատություն[12]։ Բնակիչների թիվը կազմել է 79.457, նրանց 75%-ը՝ տղամարդ, 25%-ը՝ կին։ Գրագիտության մակարդակը եղել է 98.4%[13]: Աշխատողները կազմել են ընդհանուր բնակչության 73%-ը։ Ընդ որում՝ աշխատողների ընդհանուր թվի միայն 12%-ն են եղել կանայք[13]։
Քաթարի մնացած բնակավայրերի պես՝ Էլ Վակրայում եղանակը համեմատաբար մեղմ է հունվար, փետրվար, մարտ, նոյեմբեր, դեկտեմբեր ամիսներին։ Ամենաշոգ ամիսը հուլիսն է, ամենազովը՝ հունվարը[15]։
Էլ Վակրաի կլիմայական տվյալները | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
Միջին բարձր °C (°F) | 22 (72) |
23 (73) |
27 (81) |
32 (90) |
38 (100) |
41 (106) |
42 (108) |
41 (106) |
39 (102) |
35 (95) |
30 (86) |
24 (75) |
32.8 (91.2) |
Միջին ցածր °C (°F) | 13 (55) |
14 (57) |
17 (63) |
21 (70) |
25 (77) |
28 (82) |
29 (84) |
29 (84) |
27 (81) |
23 (73) |
20 (68) |
15 (59) |
21.8 (71.1) |
Տեղումներ մմ (դյույմ) | 12.7 (0.5) |
17.8 (0.701) |
15.2 (0.598) |
7.6 (0.299) |
2.5 (0.098) |
0 (0) |
0 (0) |
0 (0) |
0 (0) |
0 (0) |
2.5 (0.098) |
12.7 (0.5) |
71 (2.794) |
աղբյուր: weather.com[15] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.