Էլ Վակրա

Էլ Վակրա (արաբ․՝ الوكرة‎‎), քաղաք Քաթարում, նույնանուն համայնքի վարչական կենտրոնը։ Հյուսիսում սահմանակցում է երկրի մայրաքաղաք Դոհային, իսկ նրա արևելյան ծայրամասը հարում է Պարսից ծոցի ափին։ Սկզբնապես՝ 19-րդ դարի վերջերին, եղել է ձկնորսական գյուղակ; Ներկայումս 80 հազարը գերազանցող իր բնակչությամբ համարվում է մեծությամբ երկրորդ բնակավայրը Քաթարում^[2]։

Բնակավայր
Էլ Վակրա
արաբ․՝ بلدية الوكرة‎‎
Երկիր	Կատար
Համայնք	Al Wakrah?
Մակերես	75,8 կմ²
ԲԾՄ	9 մետր
Բնակչություն	87 970 մարդ (2015)[1]
Էլ Վակրա (Կատար)
Էլ Վակրա Վիքիպահեստում

Էլ Վակրան բուռն ծաղկում է ապրել 21-րդ դարի սկզբից, մայրաքաղաք Դոհայի աճին ու զարգացմանը զուգընթաց։ Դրան մեծապես նպաստել են ֆուտբոլի աշխարհի առաջնության եզրափակիչ փուլի որոշ հանդիպումների մրցասպարեզ հանդիսացող Էլ Ջանուբ մարզադաշտի^[3], Al Wakrah Heritage Village-ի հանդիսավոր բացումը^[4], գլխավոր ճանապարհի շահագործման հանձնումը^[5], մետրոյի նորակառույց ճյուղով մայրաքաղաք Դոհայի ցանցին Էլ Վակրայի միացումը^[6]։

Ստուգաբանություն

Քաղաքի անվանումը ծագել է արաբերեն wakar բառից, որը թարգմանաբար նշանակում է թռչնաբույն և սկզբնապես տրված է եղել մերձակա բլրին^[7]։

Պատկերասրահ

• 
  Ձկնորսական նավակ
• 
  Դրսեկ բանվորներ Էլ Վակրայում
• 
  Ավանդական շինություն Al Wakrah Heritage Village-ում
• 
  Հին բերդը
• 
  Նավահանգիստը
• 
  Լողափը
• 
  Ավազաբլուրներ լողափին
• 
  Առափնյա փողոցը
• 
  Գլխավոր փողոցը
• 
  Մետրոյի կայարանը
• 
  Al Wakrah Heritage Village-ը

Ժողովրդագրություն

Տարեթիվ	Բնակ․	±%
1986[8][9]	17 245	—
1997[8][9]	24 283	+40.8%
2004[8][9]	31 441	+29.5%
2010[10]	79 457	+152.7%
2015	87 970	+10.7%
c-census; e-estimate

2010 թվականի մարդահամարի տվյալների համաձայն՝ քաղաքում եղել է 8.436 տնային տնտեսություն^[11] և 796 հաստատություն^[12]։ Բնակիչների թիվը կազմել է 79.457, նրանց 75%-ը՝ տղամարդ, 25%-ը՝ կին։ Գրագիտության մակարդակը եղել է 98.4%^[13]: Աշխատողները կազմել են ընդհանուր բնակչության 73%-ը։ Ընդ որում՝ աշխատողների ընդհանուր թվի միայն 12%-ն են եղել կանայք^[13]։

Քույր քաղաքներ

•  Իրան, Ռամսար, Մազանդարան (2010)
•  Բենին, Ջուգու (2014)^[14]

Կլիմա

Քաթարի մնացած բնակավայրերի պես՝ Էլ Վակրայում եղանակը համեմատաբար մեղմ է հունվար, փետրվար, մարտ, նոյեմբեր, դեկտեմբեր ամիսներին։ Ամենաշոգ ամիսը հուլիսն է, ամենազովը՝ հունվարը^[15]։

Էլ Վակրաի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	22 (72)	23 (73)	27 (81)	32 (90)	38 (100)	41 (106)	42 (108)	41 (106)	39 (102)	35 (95)	30 (86)	24 (75)	32.8 (91.2)
Միջին ցածր °C (°F)	13 (55)	14 (57)	17 (63)	21 (70)	25 (77)	28 (82)	29 (84)	29 (84)	27 (81)	23 (73)	20 (68)	15 (59)	21.8 (71.1)
Տեղումներ մմ (դյույմ)	12.7 (0.5)	17.8 (0.701)	15.2 (0.598)	7.6 (0.299)	2.5 (0.098)	0 (0)	0 (0)	0 (0)	0 (0)	0 (0)	2.5 (0.098)	12.7 (0.5)	71 (2.794)
աղբյուր: weather.com[15]

Ծանոթագրություններ

1. https://www.citypopulation.de/en/qatar/
2. «Qatar's growing economy continues to provide high standard of living». Oxford Business Group. 2018 թ․ հունվարի 21. Վերցված է 2018 թ․ հուլիսի 14-ին.
3. «Tradition and innovation come together as striking Al Janoub Stadium in Al Wakrah City is opened». FIFA. 2019 թ․ մայիսի 16. Վերցված է 2019 թ․ մայիսի 18-ին.
4. «New Heritage Village opens in Al Wakra Beach». NRICafe.com. 2016 թ․ փետրվարի 19. Արխիվացված է օրիգինալից 2019 թ․ հունվարի 9-ին. Վերցված է 2019 թ․ հունվարի 9-ին.
5. «Al Wakrah Main Road project: Traffic diversions from Saturday». Gulf Times. 2018 թ․ հոկտեմբերի 26. Վերցված է 2019 թ․ հունվարի 9-ին.
6. «Red Line». Qatar Rail. Արխիվացված է օրիգինալից 2022 թ․ նոյեմբերի 18-ին. Վերցված է 2019 թ․ հունվարի 9-ին.
7. «District map». The Centre for Geographic Information Systems of Qatar. Արխիվացված է օրիգինալից 2020 թ․ նոյեմբերի 24-ին. Վերցված է 2018 թ․ մայիսի 24-ին.
8. «Population from 1986–2009». Qatar Statistics Authority. Արխիվացված է օրիգինալից 2015 թ․ սեպտեմբերի 24-ին. Վերցված է 2015 թ․ հունիսի 28-ին.
9. «Population and social statistics». Qatar Statistics Authority. 2004. Արխիվացված է օրիգինալից 2015 թ․ սեպտեմբերի 24-ին. Վերցված է 2015 թ․ հունիսի 28-ին.
10. «2010 population census» (PDF). Qatar Statistics Authority. Արխիվացված է օրիգինալից (PDF) 2015 թ․ ապրիլի 2-ին. Վերցված է 2015 թ․ մարտի 13-ին.
11. «Housing units, by type of unit and zone (April 2010)» (PDF). Qatar Statistics Authority. Արխիվացված է օրիգինալից (PDF) 2015 թ․ հուլիսի 8-ին. Վերցված է 2015 թ․ օգոստոսի 7-ին.
12. «Establishments by status of establishment and zone (April 2010)» (PDF). Qatar Statistics Authority. Արխիվացված է օրիգինալից (PDF) 2015 թ․ հուլիսի 8-ին. Վերցված է 2015 թ․ օգոստոսի 7-ին.
13. «Geo Statistics Application». Ministry of Development Planning and Statistics. Արխիվացված է օրիգինալից 2012 թ․ սեպտեմբերի 11-ին. Վերցված է 2015 թ․ օգոստոսի 7-ին.
14. «Qatar: Emir Tamim meetings». gsn-online.com. 2014 թ․ նոյեմբերի 27. Արխիվացված է օրիգինալից 2016 թ․ փետրվարի 14-ին. Վերցված է 2015 թ․ հունվարի 12-ին.
15. «Al Wakrah, Qatar Weather». weather.com. The Weather Channel. Վերցված է 2015 թ․ դեկտեմբերի 28-ին.

Արտաքին հղումներ

• Վիքիպահեստն ունի նյութեր, որոնք վերաբերում են «Էլ Վակրա» հոդվածին։