From Wikipedia, the free encyclopedia
Էդվին Գարն (անգլ.՝ Edwin Jacob "Jake" Garn, հոկտեմբերի 12, 1932[1], Ռիչֆիլդ, Յուտա, ԱՄՆ), ամերիկացի տիեզերագնաց, գնդապետ, 1974 թվականի դեկտեմբերի 21-ից մինչև 1993 թվականի հունվարի 3-ը Յուտա նահանգի կողմից ԱՄՆ սենատոր (հանրապետական)։ STS-51D (1985, «Դիսքավերի») շաթլով իրականացրել է մեկ տիեզերական թռիչք՝ որպես օգտակար բեռնվածության մասնագետ։
Էդվին Գարն անգլ.՝ Jake Garn | |
---|---|
![]() | |
Ծնվել է | հոկտեմբերի 12, 1932[1] (91 տարեկան) |
Ծննդավայր | Ռիչֆիլդ, Յուտա, ԱՄՆ |
Քաղաքացիություն | ![]() |
Կրթություն | Յուտայի համալսարան, Արևելյան ավագ դպրոց և David Eccles School of Business? |
Մասնագիտություն | քաղաքական գործիչ, սպա և տիեզերագնաց |
Աշխատավայր | ՆԱՍԱ |
Զբաղեցրած պաշտոններ | ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր, ԱՄՆ սենատոր և ԱՄՆ սենատոր |
Կուսակցություն | ԱՄՆ Հանրապետական կուսակցություն |
Պարգևներ և մրցանակներ | |
![]() |
Էդվին Գարնը ծնվել է 1932 թվականի հոկտեմբերի 22-ին Յուտա նահանգի Ռիչֆիլդ քաղաքում։ Ավարտել է Սոլթ Լեյք Սիթիի միջնակարգ դպրոցը։ 1955 թվականին Յուտայի համալսարանում ստացել է բակալավրի աստիճան (բիզնես և ֆինանսներ), իսկ 1956 թվականին՝ գիտությունների դոկտորի աստիճան։ Հարում է հանրապետական կուսակցությանը[2]։
1956-1960 թվականներին որպես օդաչու ծառայել է ԱՄՆ-ի ռազմածովային ուժերի ավիացիայում։ Ստացել է նաև շտուրմանի որակավորում։ Որպես օդաչու՝ վարել է T-33, T-38, F-14, F-15, F-16, F-18, YC-14, YC-15, F-104, B-1 և SR-71 ինքնաթիռները։ Մասնակցել է Ճապոնական ծովի վրայով հետախուզական թռիչքներին։ Ծառայել է Յուտայի ազգային գվարդիայի ավիացիայում։ Սոլթ Լեյք Սիթիում ղեկավարել է 151-րդ օդային խումբը։ Մարտական և քաղաքացիական թռչող սարքերով թռիչքը կազմում է ավելի քան 10 000 ժամ։
1968-1972 թվականներին աշխատել է Սոլթ Լեյք Սիթիի համայնքապետարանում։ 1971-1974 թվականներին եղել է Սոլթ Լեյքի քաղաքապետ։ 1974-1993 թվականներին եղել է ԱՄՆ Կոնգրեսի սենատոր Յուտա նահանգից։ 1986 թվականին եղել է Սենատի հատկացումների ենթահանձնաժողովի նախագահ։ 1992 թվականի ընտրություններին չի մասնակցել։ Ռազմաօդային ուժերի գնդապետ է (պաշտոնաթող), Ազգային գվարդիայի Ռազմաօդային ուժերի բրիգադի գեներալ (պաշտոնաթող)[3]։
Էդվին Գարնը մասնակցել է 1984 թվականին հայտարարված «քաղաքական գործիչը տիեզերքում» ծրագրին, անցել թռիչքի նախապատրաստություն։ 1985 թվականի հունվարի 11-ին պաշտոնապես ընդգրկվել է STS-51E «Չելենջեր» շաթլի անձնակազմում, սակայն այդ թռիչքի չեղարկման պատճառով մարտի սկզբին փոխադրվել է STS-51D «Դիսքավերի» շաթլի անձնակազմ։
Առաջին թռիչքն իրականացրել է STS-51D[4] «Դիսքավերի» շաթլով։ 1985 թվականի ապրիլի 12-19-ը հանդես է եկել որպես օգտակար բեռնվածության մասնագետ։ Մասնակցել է տարբեր գիտափորձերի անցկացմանը։ Թռիչքի տևողությունը կազմել է 6 օր 23 ժամ 56 րոպե[5]։
Տիեզերք կատարած թռիչքների ընդհանուր տևողությունը կազմել է 6 օր 23 ժամ 56 րոպե։
Նրա համար տիեզերական հարմարվողականության համախտանիշ այնքան դաժան էր, որ կատակով հորինել են հատուկ միավոր՝ «գարն»՝ իբրև տիեզերքում աշխատունակության կորստի միավոր։ Առավելագույնը՝ 1 գարն, նշանակում է, որ մարդը տիեզերքում բացարձակապես անօգտակար է։ Տիեզերագնացների մեծ մասը տառապում է այդ սանդղակի ոչ ավելի, քան 0,1 գարնով։
1993 թվականից Գարնը եղել է «Huntsman» քիմիական կոնցեռնի փոխնախագահը։ Տիեզերքի հետազոտողների ասոցիացիայի ամերիկյան բաժանմունքի տնօրենների խորհրդի անդամ է։ Հեղինակել է «Why I Believe» («Ինչու եմ հավատում») գիրքը, նաև «Night Launch» («Գիշերային մեկնարկ») (1989) գրքի համահեղինակն է։
Պարգևատրվել է «Տիեզերական թռիչքի համար» շքանշանով (1985)։
Առաջին կնոջ՝ Հեյզել Թոմսոնի հետ ամուսնացել է 1957 թվականին։ Ունեն չորս երեխա՝ Ջեկոբ «Ջեք» կրտսեր, Սյուզան, Էլեն և Ջեֆրի։
Երկրորդ կնոջ՝ Քեթլին Բրևինգթոնի հետ ամուսնացել է 1977 թվականին։ Ունեն երեք երեխա՝ Քրիստոֆեր, Մեթյու և Ջենիֆեր։ Կինը ևս մեկ որդի ունի իր առաջին ամուսնությունից։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.