Զորավանք եկեղեցի

Զորավանք (նաև՝ Սուրբ Գևորգ), հայկական առաքելական եկեղեցի Հայաստանի Հանրապետության Լոռու մարզի Հաղպատ գյուղում^{[1][2][3][4][5]}։

Անվան այլ կիրառումների համար տե՛ս Զորավանք (այլ կիրառումներ) և Սուրբ Գևորգ եկեղեցի (այլ կիրառումներ):

Զորավանք (Սուրբ Գևորգ)
Եկեղեցու փոքրիկ գավիթը
Հիմնական տվյալներ
Տեսակ	Եկեղեցի
Երկիր	Հայաստան
Տեղագրություն
Դավանանք	Հայկական առաքելականություն
Հոգևոր կարգավիճակ	Չգործող
Հիմնական ամսաթվերը	1279
Ներկա վիճակ	Կիսավեր
Կազմված է	Գերեզմանոց
Ժառանգության կարգավիճակ	Հանրապետական նշանակության հուշարձան Հայաստանում
Հիմնադրված	1279 թվական
Շինանյութ	Անդեզիտե կոպտատաշ խոշոր քարեր
Zoravank Վիքիպահեստում

Ընդգրկված է Հայաստանի Հանրապետության պատմության և մշակույթի անշարժ հուշարձանների ցանկում որպես հանրապետական նշանակության հուշարձան^[5]։

Պատմություն

Համաձայն եկեղեցու բարավորի արձանագրության` կառուցվել է 1279 թվականին^{[1][2][3][4][5]}, Բարսեղ քահանայի կողմից^[2]։

1827 թվականի երկրաշարժի հետևանքով մասսամբ քանդվել է^[2]։

Ճարտարապետական նկարագիր

Եկեղեցին կազմված էր փոքր աղոթասրահից։ Արևմտյան կողմից կցված է եղել գավիթ-սրահը, որը կառուցվել է եկեղեցու հետ միաժամանակ։ Պատերն շարված են անդեզիտե կոպտատաշ խոշոր քարերով և ունեն 1,2 մ հաստություն։ Ներսից սվաղված են կրաշաղախով։ Ունեցել է փոքր պայտաձև թաղ, որի մեծ մասը ներկայում փլված է^[3][4][2]։

Պահպանվել են եկեղեցու պատերը, գավիթ-սրահը։ Եկեղեցու հարավային կողմում են գտնվում երկու գեղաքանդակ խաչքար և մի քանի տապանաքար^[1][3][4][2]։

Տեղադրություն

Զորավանք եկեղեցին գտնվում է Հաղպատի վանքի պարսպից հարավ^[1][2]՝ նախկին այգիների տարածքում^[2]։ Խորհրդային Միության տարիներին գյուղի կառուցապատման հետևանքով այն հայտնվել է տնամերձ հողամասերի արանքում^[3][4][5]։

Պատկերասրահ

• 
  Եկեղեցի ներսը
• 
  Բարավորն ու հայատառ արձանագրությունը
• 
  Եկեղեցու կողքին կանգնեցված խաչքարեր
• 
  Եկեղեցու ճակատային տեսքը և հարակից փոքր գերեզմանոցը

Տես նաև

• Կուսանաց անապատ եկեղեցի
• Հաղպատի վանական համալիր

Ծանոթագրություններ

1. «Նշանաւոր վանքեր. Ա. Հայոց», Ազգագրական Հանդէս, հատոր VII-VIII, 1901, ստեղծող՝ Ե. Լալայեան, հրատարակիչ՝ տպարան Կ. Մարտիրոսեանցի, հրատարակման վայր՝ Թիֆլիս։
2. «Հաղբատի վանքը և նրա հետ կապված Հաղբատ գյուղի հուշարձանները», Հ. Եղիազարյան, Էջմիածին։ Պաշտօնական ամսագիր Ամենայն Հայոց Կաթողիկոսութեան Մայր Աթոռոյ Սրբոյ Էջմիածնի, 1961 թվական, հրատարակիչ՝ Հայրապետական աթոռոյ Ս. Էջմիածնի, հրատարակման վայր՝ Ս. Էջմիածին։
3. Զորավանք եկեղեցու մասին տեղեկություններ «Պատմամշակութային արգելոց-թանգարանների և պատմական միջավայրի պահպանության ծառայություն» պետական ոչ առեվտրային կազմակերպության hushardzan.am կայքում], (արխիվացված 01․01․2023թ․)։
4. Շախկյան Գ., «Լոռի Պատմության քարակերտ էջերը», Երևան, 1986
5. Հայաստանի Հանրապետության կառավարության որոշում 29 հունվարի 2004 թվականի N 49-Ն ընդունված 29.01.2004 թվականին, ստորագրված 04.02.2004 թվականին, (թվային տարբերակը arlis.am կայքում)։

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զորավանք եկեղեցի կատեգորիայում։