Ելենա Կոստևիչ
From Wikipedia, the free encyclopedia
From Wikipedia, the free encyclopedia
Ելենա Կոստևիչ (ուկրաիներեն՝ Олена Дмитрівна Костевич, ապրիլի 14, 1985, Խաբարովսկ, ՌԽՖՍՀ, ԽՍՀՄ), ուկրաինացի մարզուհի, հրաձգություն սպորտաձևում 2004 թվականի օլիմպիական չեմպիոն, օլիմպիական խաղերի եռակի բրոնզե մեդալակիր (2012 և 2020 թվականներ), աշխարհի կրկնակի չեմպիոն, Ուկրաինայի սպորտի վաստակավոր վարպետ։
Ելենա Կոստևիչ | |
---|---|
Ծնվել է | ապրիլի 14, 1985 (39 տարեկան) |
Ծննդավայր | Խաբարովսկ, ՌԽՖՍՀ, ԽՍՀՄ |
Քաղաքացիություն | Ուկրաինա |
Կրթություն | Chernihiv Polytechnic National University? (2005) |
Մասնագիտություն | սպորտային հրաձիգ |
Պարգևներ և մրցանակներ | |
Olena Kostevych Վիքիպահեստում |
Ելենայի մայրը՝ Նատալյա Ալեքսանդրովնան, տնտեսական գիտությունների թեկնածու է, Կիևի տեխնոլոգիայի և դիզայնի ազգային համալսարանի դոցենտ, իսկ հայրը՝ Դմիտրի Լեոնիդովիչը՝ ինժեներ[1].
Մանկության տարիներին Ելենան զբաղվել է մարմնամարզությամբ, հետո թենիսով։ Նա պատմում է, որ պատահաբար է սկսել կրակել, երբ 11 տարեկանում մոր նախաձեռնությամբ գնացել է Չեռնիգովի հրաձգության մարզական ակումբ[2]։ Կոստևիչը պարապմունքների մեկնարկից մեկ տարի անց նախապատվությունը տվել է հրաձգությանը՝ զգալով որ չի հասցնում համատեղել հրաձգությունը, թենիսը և թիվ 12 միջնակարգ դպրոցում սովորելը։
Սպորտային մասնագիտացում ընտրելիս Ելենան առաջնորդվել է նրանով, որ չորրորդ դասարանցու համար ավելի հեշտ է մեկ կիլոգրամանոց ատրճանակը ձեռքում պահել, քան ավելի ծանր հրացանը։ Բայց, ասում է մարզուհին, «մարզական առումով ամենևին էլ հեշտ չէր»[1]։
Մարզումներից ազատ ժամանակ նա սիրում է գրքեր ընթերցել, ինչպես նաև մեքենաների մոլի սիրահար է[1]։
Ելենա Կոստևիչն ավարտել է Չեռնիգովի ազգային տեխնոլոգիական համալսարանը, ասպիրանտուրան շարունակել է Կիևի տեխնոլոգիայի և դիզայնի ազգային համալսարանում՝ ձեռնարկությունների տնտեսագիտության ոլորտում, խաղում է «Կոլոս» և «Դինամո» մարզական ակումբներում, Ուկրաինայի հավաքականի անդամ է, Ուկրաինայի հրաձգության ֆեդերացիայի անդամ։.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.