Դեյվ Էնաբլ

Դեյվ Էնաբլ (անգլ.՝ Dave Annable, լրիվ անունը՝ Դևիդ Ռոդման Էնաբլ (անգլ.՝ David Rodman Annable), սեպտեմբերի 15, 1979(1979-09-15)^[1], Suffern, Ռոքլենդ շրջան, Նյու Յորք, ԱՄՆ), ամերիկացի դերասան, որը հայտնի է «Քույրեր և եղբայրներ» սերիալում կատարած Ջասթին Ուոլքերի դերով։

Դեյվ Էնաբլ
Ծնվել է	սեպտեմբերի 15, 1979(1979-09-15)[1] (44 տարեկան)
Ծննդավայր	Suffern, Ռոքլենդ շրջան, Նյու Յորք, ԱՄՆ
Կրթություն	State University of New York at Plattsburgh? և Valley Central High School?
Քաղաքացիություն	ԱՄՆ
Մասնագիտություն	դերասան, հեռուստատեսային դերասան և կինոդերասան
Ամուսին(ներ)	Օդեթ Էննեբեյլ

Վաղ կյանք

Դևիդ Ռոդման Էնաբլը ծնվել է ԱՄՆ Նյու Յորք նահանգի Սաֆեռնե քաղաքում։ Մեծացել է Ուոլդենում, որտեղ էլ ավարտել է դպրոցը 1997 թվականին։ Ընդունվել է Նյու Յորքի պետական համալսարան Պլատսբուրգում։ Ուսման տարիներին միացել է PSTV ուսանողական հեռուստակայանին, որը տեղակայված էր համալսարանի տարածքում։ Մասնակցել է հեռուստահաղորդումների նախապատրաստմանը, ինչպես նաև աշխատել է եթերում։ 2003 թվականին հեռացել է համալսարանից, որպեսզի սկսի զբաղվել կարիերայով^[2]։ Հետագայում շարունակել է կրթությունն ու 2009 թվականի մայիսի 16-ին ստացել դիպլոմը^[2][3]։

Կարիերա

Էնաբլը կինոյում իր նորամուտը կատարել է NBC ալիքի «Երրորդ հերթափոխ» քրեական դրամայում 2002 թվականին։ Նա նկարահանվել է գովազդային հոլովակներում այնպիսի ապրանքանիշների համար, ինչպիսիք են՝ Mountain Dew, Starburst և Abercrombie and Fitch։

Էնաբլն առավել մեծ ճանաչում է ձեռք բերել ABC ալիքի «Քույրեր և եղբայրներ» սերիալում կատարած Ջասթին Ուոլքերի՝ Սալլի Ֆիլդի հերոսուհու որդու դերի շնորհիվ։ Այդ սերիալում նա նկարահանվել է 2006-2011 թվականներին, և իր դերակատարման համար արժանացել է Prism Award (Performance in a Drama Series Multi-Episode Storyline) մրցանակի 2008 թվականին^[4]։ Նա նկարահանվել է նաև «Շրջանավարտների հանդիպում» սերիալում 2005-2006 թվականներին և Քեթրին Մաքֆիի հետ կատարել է գլխավոր դեր «Դու չես կարող համբուրել հարսին» ֆիլմում 2011 թվականին։ Նույն թվականին Էնաբլը նկարահանվել է «Քանի՞սն ունես դու» կատակերգությունում, որտեղ կատարել է Աննա Ֆերիսի տղամարդկանցից մեկի դերը։

2007 թվականին People ամսագիրը Էնաբլին ընդգրկել է ամենասեքսուալ տղամարդկանց իր ամենամյա ցանկի յոթերորդ հորիզոնականում^[5]։

Դեյվ Էնաբլը կատարել է գլխավոր դերերից մեկը ABC ալիքի «Պարկ ավենյու, 666» հեռուստասերիալում 2012 թվականին, որը մեկ եթերաշրջան հետո փակվել է ցածր վարկանիշի պատճառով^[6][7]։

Անձնական կյանք

2010 թվականի հոկտեմբերի 10-ին Դեյվ Էնաբլն ամուսնացել է դերասանուհի Օդեթ Յուստմանի հետ։ 2015 թվականի սեպտեմբերի 7-ին ծնվել է նրանց դուստրը՝ Չարլի Մեյը^[8]։

Ֆիլմագրություն

Տարի		Հայերեն անվանում	Բնօրինակ անվանում	Դեր
2002	ս	Երրորդ հերթափոխ	Third Watch	Դուգ Մեյփլ կրտսեր
2004	ֆ	Կախարդվածը	Spellbound	Գրիֆին
2004	ֆ	Փոքրիկ սև գիրք	Little Black Book	Բին
2005-2006	ս	Շրջանավարտների հանդիպում	Reunion	Աարոն Լյուիս
2006-2011	ս	Քույրեր և եղբայրներ	Brothers & Sisters	Ջասթին Ուոքեր
2011	ֆ	Դու չես կարող համբուրել հարսին	You May Not Kiss the Bride	Բրայան Լայթհաուս
2011	ֆ	Քանի՞սն ունես դու	What's Your Number?	Ջեյք Ադամս
2012	ս	Հրապուրիչ	Fetching	Բլեյք
2012-2013	ս	Պարկ ավենյու, 666	666 Park Avenue	Հենրի Մարտին
2013	ս	Բեն և Քեյթ	Ben and Kate	Պրոֆեսոր Գրեգ
2014-2015	ս	Կարմիր ապարանջանները	Red Band Society	Ադամ Մաքենդրյու
2016	ս	Սրտեր կոտրողը	Heartbeat	Փիրսոն (Փիրս) Հարիս
2017	ս	Միքը	The Mick	Թեդի Գրանտ

Ծանոթագրություններ

1. Deutsche Nationalbibliothek Record #1021253081 // Gemeinsame Normdatei (գերմ.) — 2012—2016.
2. Bergeron, Bryan (2009 թ․ մայիսի 1). «Annable, 'off to a good start'» (անգլերեն). Cardinal Points. Արխիվացված է օրիգինալից 2009 թ․ մայիսի 25-ին. Վերցված է 2014 թ․ մարտի 24-ին.
3. «Dave Annable accepts the Off to a Good Start Award from SUNY Plattsburgh» (video) (անգլերեն). YouTube. Վերցված է 2014 թ․ մարտի 24-ին.
4. «PRISM Award - Performance in a Drama Series Multi-Episode Storyline» (անգլերեն). Արխիվացված է օրիգինալից 2016 թ․ հունվարի 2-ին. Վերցված է 2014 թ․ մարտի 24-ին.
5. «The Sexiest Men Alive». People (անգլերեն). 2007 թ․ նոյեմբերի 26. Արխիվացված է օրիգինալից 2014 թ․ հունվարի 8-ին. Վերցված է 2014 թ․ մարտի 24-ին.
6. Catriona Wightman (2012 թ․ փետրվարի 24). «'Brothers & Sisters' Dave Annable joins ABC's '666 Park Avenue' pilot» (անգլերեն). Digital Spy. Արխիվացված օրիգինալից 2012 թ․ սեպտեմբերի 15-ին. Վերցված է 2014 թ․ մարտի 24-ին.
7. Matt Webb Mitovich (2012 թ․ փետրվարի 24). «Exclusive: Brothers & Sisters' Dave Annable Joins ABC's Supernatural Pilot 666 Park Avenue» (անգլերեն). (անգլերեն). Արխիվացված է օրիգինալից 2012 թ․ սեպտեմբերի 15-ին. Վերցված է 2014 թ․ մարտի 24-ին.
8. Leon, Anya (2015 թ․ սեպտեմբերի 10). «Dave and Odette Annable Welcome Daughter Charlie Mae». People. Nicole Sands. Արխիվացված է օրիգինալից 2015 թ․ սեպտեմբերի 11-ին. Վերցված է 2015 թ․ սեպտեմբերի 10-ին.

Արտաքին հղումներ

• Դեյվ Էնաբլ Internet Movie Database կայքում

Վիքիպահեստն ունի նյութեր, որոնք վերաբերում են «Դեյվ Էնաբլ» հոդվածին։