Գրիֆինների ընտանիքը

«Գրիֆինների ընտանիքը» (անգլ.՝ Family Guy, թարգ.` «Ընտանիքի մարդ»), ամերիկյան անիմացիոն սիթքոմ, ստեղծված կատակերգու անիմատոր Սեթ Մաքֆարլեյնի կողմից։ Մուլտսերիալը պատմում է Գրիֆինների ընտանիքի մասին, որը բաղկացած է ամուսիններ Պիտեր և Լոիս Գրիֆիններից, երեխաներ Քրիս, Մեգ և Սթյուի Գրիֆիններից, ինչպես նաև անձնավորված ընտանի շնից՝ Բրայանից։ Գործողությունները տեղի են ունենում Ռոդ Այլենդում գտնվող Քոհոգ գեղարվեստական քաղաքում։ Մուլտսերիալում առկա հումորը երբեմն հանդես է գալիս հավելային դրվագների միջոցով՝ կծու երգիծանքի ենթարկելով ամերիկյան զանգվածային մշակույթի այս կամ այն տարրերը։

Գրիֆինների ընտանիքը Family Guy
Ժանր	Մեծահասակների անիմացիա Անիմացիոն սիթքոմ
Թեմա	անհաջող ընտանիք
Ստեղծող	Սեթ ՄաքՖարլեյն
Երկիր	ԱՄՆ[1]
Լեզու	անգլերեն[1]
Գլխավոր դերերում	Սեթ Մաքֆարլեյն Ալեքս Բորշտեյն Սեթ Գրին Միլա Կունիս Մայք Հենրի
Պրոդյուսեր	Սեթ Մաքֆարլեյն Դեյվիդ Գուդման Քրիս Շերիդան Դենի Սմիթ Մարկ Հենթեման Սթիվ Կալագան Ալեք Սուլկին Ուելեսլի Ուայլդ
Գործադիր պրոդյուսեր	Սեթ ՄաքՖարլեյն և David Zuckerman?
Երաժշտություն	Ռոն Ջոնս և Ուոլտեր Մերֆի
Պատմվածքի վայր	Quahog?
Գեղարվեստական աշխարհ	Family Guy universe?
Եթերաշրջանների քանակ	22[2]
Սերիաների քանակ	424
Էկրաններին է	հունվարի 31, 1999[3]-ից
Հեռուստաալիք	Fox Broadcasting Company[3]
Ընկերություն	Fuzzy Door Productions 20th Century Fox Television
Դիստրիբյուտոր	20th Television, Հուլու և Դիսնեյ+
Պատկերի ձևաչափ	480i (SDTV) (1999–2003, 2005–2010) 720p (HDTV) (2010–այժմ)
Ձայնի ձևաչափ	Dolby Digital 5.1
Պարգևներ	Գենեզիսի մրցանակ
Նախորդ	Լարի և Սթիվ
Հաջորդ	Կլիվլենդի շոու
Կապակցված	Ամերիկյան հայրիկ Կլիվլենդ շոու
Կարգավիճակ	Ընթացքի մեջ
Պաշտոնական կայքէջ

Պատմությունը և ստեղծումը

Առաջացումը

Գաղափարն առաջացել է Սեթ Մաքֆարլեյնի մոտ 1995 թվականին, երբ վերջինս սովորում էր Ռոդ Այլենդի դիզայնի դպրոցում։ Նրա դիպլոմային աշխատանքը «Լարիի կյանքը» անիմացված կարճամետրաժն էր^[4]։ Մուլտֆիլմը դրական տպավորություն թողեց «Hanna-Barbera» անիմացիոն ստուդիայի վրա, և ստուդիան Մաքֆարլեյնին առաջարկեց անիմատորի աշխատանք։ 1997 թվականին Մաքֆարլեյնը շարունակեց զարգացնել դիպլոմային աշխատանքի նախատիպը՝ վերնագրելով «Լարին և Սթիվը»։ Այն ցուցադրում էր Լարի անունով միջին տարիքի տղամարդու հարաբերությունները իր ինտելեկտուալ շան հետ։ Այն ցուցադրվեց 1997 թվականի փետրվարի 5-ին՝ որպես «What-a-Cartoon» անիմացիոն ցուցադրության հատված, «Cartoon Network» կաբելային հեռուստաընկերությամբ։ Մաքֆարլեյնն այդ ժամանակ 23 տարեկան էր^[5]։ Մուլտֆիլմը գրավեց «20th Century Fox» ստուդիայի ուշադրությունը, և նրանք առաջարկեցին Մաքֆարլեյնին պատրաստել սերիալ, որը հիմնված կլինի գլխավոր հերոսների վրա՝ ցուցադրման պատրաստման համար Մաքֆարլեյնին հատկացնելով 50 000 ԱՄՆ դոլար։ Մակֆարլեյնը ներկայացրեց պատրաստ նախագիծը տանն աշխատելուց 6 ամիս հետո։

Նոր սերիալը հետևում էր վերոնշյալ կարճամետրաժի մի քանի յուրահատկություններ, այդ թվում՝ Լարին և Սթիվը նախատիպ էին հանդիսանում Պիտերի և Բրայանի համար։ Մաքֆարլեյնը կատակում է, որ «Լարիի կյանքի» և «Գրիֆինների» մեջ տարբերությունն այն է, որ դրանցից առաջինի պրեմիերան կայացել է ուսանողների հանրակացարանում, իսկ երկրորդինը՝ Սուպերբոուլի ցուցադրությունից հետո։ Իր արվեստի համար Մաքֆարլեյնի համար ոգեշնչություն են հանդիսացել այնպիսի մուլտեր, ինչպիսիք են «Սիմփսոնները», «Բոլորը ընտանիքում»-ը, «Լարի Սանդերսի շոու»-ն։

Սցենար

Մեկ էպիզոդի ստեղծման համար պահանջվում է մոտ 10 ամիս, քանի որ անիմացիան նկարվում է ձեռքով։ Հետևաբար՝ շոուն հազվադեպ է պարունակում հղումներ սերիայի թողարկման շուրջ՝ ի տարբերություն «Հարավային այգու», որում սերիայի ստեղծումը պահանջում է մոտ 3 շաբաթ, ինչը թույլ է տալիս սցենարիստներին հղումներ կատարելով ընթացիկ իրադարձություններին՝ դարձնել սերիալն ակտուալ։ Առաջին սցենարիստները, ում հետ Մաքֆարլեյնը պետք է աշխատեր, նախկինում անիմացիոն հեռուստաշոուի համար սցենարներ պատրաստելու փորձ չունեին^[6]։

Մաքարլեյնը, իր խոսքերով, հին դրամատիկական ռադիոշոուների շատ մեծ երկրպագու էր։ Դրանցից մեկը՝ «Սասպենսը», 1940-ականների բազմասերիանոց ռադիոշոու էր, որտեղ յուրաքանչյուր առանձին թողարկում դուրս էր գալիս «չար» վերնագրով։

Ծանոթագրություններ

1. Fernsehserien.de (գերմ.)
2. https://www.imdb.com/title/tt0182576/episodes
3. Fox bets its chips on young 'Family Guy' creator — CNN.com, 1999.
4. Lenburg, 2006, էջ 221
5. Փոխելով իրենց մուլտերը
6. Հարցազրույց Մաքֆարլեյնի հետ

Արտաքին հղումներ

• Պաշտոնական կայք (անգլ.)
• Yahoo!TV էջը (անգլ.)
• TV.com էջը Արխիվացված 2014-01-31 Wayback Machine (անգլ.)

Վիքիպահեստն ունի նյութեր, որոնք վերաբերում են «Գրիֆինների ընտանիքը» հոդվածին։