Գյուդլֆոս
From Wikipedia, the free encyclopedia
Գյուդլֆոս (անգլ.՝ Golden Falls), ջրվեժ, որը տեղակայված է Իսլանդիայի հարավ-արևմուտքում գտնվող Հվիտա գետի կիրճում:
| Գյուդլֆոս | |
|---|---|
 | |
| Տեսակ | ջրվեժ |
| Երկիր |  Իսլանդիա |
| Վարչատարածքային միավոր | Բլաուսկոուգաբիգգդ և Hrunamannahreppur? |
| Վայր | Biskupstungur? |
| Մասն է | Hvítá? և Golden Circle? |
| Ջրածախս | 140 մ³/վ |
| Հարաբերական բարձրություն | 32 մետր և 21 մետր |
| Լայնություն | 70 մետր |
Հվիտա գետը հոսում է հարավ, և ջրվեժից մոտ մեկ կիլոմետր բարձրությամբ այն կտրուկ թեքվում է դեպի արևմուտք և հոսում ներքև՝ լայն, կոր եռաստիճան «սանդուղքի» մեջ, այնուհետև կտրուկ սուզվում է երկու փուլով (11 մետր կամ 21 մետր)` 32 մետր խորությամբ ճեղքի մեջ: Ճեղքը՝ մոտ 20 մետր լայնությամբ և 2,5 կիլոմետր (1,6 մղոն) երկարությամբ, ձգվում է գետի հոսքին ուղղահայաց։ Ջրվեժով հոսող ջրի միջին քանակը ամռանը 141 խորանարդ մետր է ` վայրկյանում, իսկ ձմռանը 80 խորանարդ մետր: Չափված ամենաբարձր ջրհեղեղը վայրկյանում 2000 խորանարդ մետր է:
20-րդ դարի առաջին կեսին և 20-րդ դարի վերջից մի քանի տարի առաջ շատ ենթադրություններ եղան Գյուդլֆոսն էլեկտրաէներգիա արտադրելու համար օգտագործելու վերաբերյալ: Այս ժամանակահատվածի ընթացքում ջրվեժը անուղղակիորեն վարձակալվել է իր սեփականատերեր Թոմաս Թոմասոնի և Հալդոր Հալդորսոնի կողմից օտարերկյա ներդնողներին: Այնուամենայնիվ ներդնողների փորձը անհաջող էր` քիչ գումարի պատճառով: Ավելի ուշ ջրվեժը վաճառվել է Իսլանդիայի պետությանը և հիմա այն պաշտպանված է:
Սիգրիդուր Տոմասդոտտիրը՝ Թոմաս Թոմասոնի դուստրը, վճռական էր տրամադրված պահպանել ջրվեժի վիճակը և նույնիսկ սպառնացել էր իրեն ցած նետել։ Թեև տարածված է այն կարծիքը, որ Սիգրիդուրը փրկել է ջրվեժը շահագործումից, իրականությանը չի համապատասխանում: Սիգրիդուրի քարե հուշահամալիրը, որը գտնվում է ջրվեժի վերևում, պատկերում է նրա նկարագիրը[1]:
Գյուդլֆոսը Իսլանդիայի ամենահայտնի զբոսաշրջային վայրերից մեկն է: Թինգվեդլիրի և Հաուկադալուրի գեյզերների հետ միասին Գյուդլֆոսը կազմում է Ոսկե շրջանի մի մասը, որը Իսլանդիայում հայտնի ցերեկային էքսկուրսիա է զբոսաշրջիկների համար:
Գյուդլֆոսը հայտնվել է բրիտանական «Echo & the Bunnymen» խմբի «Porcupine» ալբոմի շապիկին։ Բացի այդ, ջրվեժները հիշատակվում են «Ամերիկացիների տարօրինակ սագան և հետաքրքիր իսլանդական հոտը» վեպում. ընթրիքի ժամանակ Սնորրին նախապատվություն է հայտնում Գյուդլֆոսին, մինչդեռ դոկտոր Գուստաֆսոնը հավանություն է տալիս Գլիմուրին: Գյուդլֆոսը նկարահանվում է «Live» խմբի «Heaven» երգի տեսահոլովակում: Գյուդլֆոսը կարճ ժամանակով հայտնվում է «Վիկինգներ» հեռուստասերիալի ենթասյուժեում, որում կերպարներից մեկը սպանում է իրեն՝ սուզվելով դրա մեջ:
Գյուդլֆոսը հայտնվել է «The Amazing Race» ամերիկյան ռեալիթի մրցույթի երեսունչորսերորդ սեզոնի նախավերջին դրվագում։[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
