![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/aa/Main_building_of_the_Royal_Swedish_Academy_of_Sciences_%2528Kungliga_Vetenskapsakademien%2529%252C_Frescati%252C_Norra_Djurg%25C3%25A5rden%252C_Stockholm.jpg/640px-Main_building_of_the_Royal_Swedish_Academy_of_Sciences_%2528Kungliga_Vetenskapsakademien%2529%252C_Frescati%252C_Norra_Djurg%25C3%25A5rden%252C_Stockholm.jpg&w=640&q=50)
Գիտությունը Շվեդիայում
From Wikipedia, the free encyclopedia
Գիտությունը Շվեդիայում, Շվեդիայում գիտնականների կողմից զարգացվող գիտության ուղղությունները։ Գիտության զարգացումը Շվեդիայում հիմնականում պայմանավորված է իր ժողովրդի տաղանդով, շվեդական կրթությամբ և մանկավարժությամբ[1]։ Շվեդիայի գիտնականները զգալի ներդրում են ունեցել համաշխարհային մշակույթի և գիտության զարգացման բնագավառում։ Շվեդական բարձրորակ գիտական և տեխնոլոգիական զարգացումը հայտնի է ամբողջ աշխարհում։ Հարկ է նշել, որ 18-րդ դարում Շվեդիայի գիտությունը գտնվել է Ֆրանսիայից և Մեծ Բրիտանիայից ներթափանցած լուսավորչական գաղափարների ազդեցության ներքո[2]։ Բնագիտության զարգացումը Շվեդիայում կապված է Ուպսալայում և Լունդում առաջին համալսարանների կազմավորման և Ուպսալայում աստղադիտարանի բացման հետ։ 1710 թվականին հիմնադրվեց Ուպսալայի Թագավորական գիտական ընկերությունը, իսկ 1739 թվականին՝ Ստոկհոլմի Թագավորական գիտությունների ակադեմիան։
![Thumb image](http://upload.wikimedia.org/wikipedia/commons/thumb/a/aa/Main_building_of_the_Royal_Swedish_Academy_of_Sciences_%28Kungliga_Vetenskapsakademien%29%2C_Frescati%2C_Norra_Djurg%C3%A5rden%2C_Stockholm.jpg/640px-Main_building_of_the_Royal_Swedish_Academy_of_Sciences_%28Kungliga_Vetenskapsakademien%29%2C_Frescati%2C_Norra_Djurg%C3%A5rden%2C_Stockholm.jpg)
![Thumb image](http://upload.wikimedia.org/wikipedia/commons/thumb/6/6e/AlfredNobel_adjusted.jpg/640px-AlfredNobel_adjusted.jpg)
Ակադեմիայի առաջին նախագահը Կառլ Լիննեյն էր։ Նա մեծ ազդեցություն ունեցավ Շվեդիայում գիտության ձևավորման վրա։ Շվեդիայի գիտությունների ակադեմիան 1739 թվականին հրատարակեց առաջին շվեդական գիտական ամսագիրը։
![Thumb image](http://upload.wikimedia.org/wikipedia/commons/thumb/6/68/Carl_von_Linn%C3%A9.jpg/640px-Carl_von_Linn%C3%A9.jpg)