թռչունների տեսակներ From Wikipedia, the free encyclopedia
Գետային ջրածիծառ (լատին․՝ Sterna hirundo), ջրածիծառների ընտանիքի թռչուն։ Բնադրող-չվող է, քիչ տարածված։
Գետային ջրածիծառ | ||||||||||||||
---|---|---|---|---|---|---|---|---|---|---|---|---|---|---|
Գիտական դասակարգում | ||||||||||||||
|
||||||||||||||
Լատիներեն անվանում | ||||||||||||||
Sterna hirundo | ||||||||||||||
Հատուկ պահպանություն | ||||||||||||||
Արեալ | ||||||||||||||
Ամառային միգրացիա
Ձմեռային միգրացիա | ||||||||||||||
|
Մարմնի երկարությունը 31-35 սմ է, թևերի բացվածքը՝ 77-98 սմ, կենդանի զանգվածը՝ 150 գ։
Մարմինը վերևից բաց մոխրագույն է, ներքևից՝ սպիտակ։ Կտուցը երկար է, թևերը՝ բարակ, երկար, առաջնային փետուրների ծայրերը՝ մուգ, պոչը՝ մկրատաձև խորը կտրվածքով։ Բնադրման շրջանում հասունի գագաթը սև է, կտուցը՝ կարմիր, ծայրը՝ սև։ Հետբնադրման շրջանում ճակատը սպիտակ է, կտուցը՝ մուգ սև։ Երիտասարդի գլուխը մուգ նախշերով է, փետուրները վերևից՝ դարչնագույն երիզներով, թևի արտաքին եզրը՝ մուգ։ Ձուկ որսալիս թռչում է թևերի դանդաղ թափահարումներով, գլուխը խոնարհած։ Սուզվելուց առաջ հաճախ մի պահ կանգ է առնում օդում։ Բնակվում է ձկնաբուծական լճակներում, լճերում։
Սնվում է ձկներով, անողնաշարավորներով։ Գարնանային վերադարձը՝ մայիսի կեսից։
Բնադրման շրջանում համակեցությունները չափազանց նոսր են և ցրված։ Վերջին 30-35 տարիներին բնադրագաղութ հայտնաբերված չէ, որը հավանաբար պայմանավորված է ջրաճահճային բուսուտներում բնադրագաղութի հմուտ քողարկմամբ։ Բները հայտնվում են հունիսի ընթացքում։ Բույնը ոչ խորը փոսիկ է։ Բնադրում է գետնին։
Դնում է 41 մմ տրամագծով, աղոտ սպիտակ՝ մուգ դարչնագույն պտերով 1-3 ձու։ Թխսակալում են էգը և արուն՝ 20-22 օր։ Ձագերը կյանքի 24-րդ օրը ձեռք են բերում լիարժեք թռչելու ունակություն։ Աշնանային չուն՝ սեպտեմբերից նոյեմբերի սկիզբ։
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ ![]() |
![]() | Վիքիցեղերն ունի նյութեր, որոնք վերաբերում են «Գետային ջրածիծառ» հոդվածին։ |
![]() | Վիքիպահեստն ունի նյութեր, որոնք վերաբերում են «Գետային ջրածիծառ» հոդվածին։ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.