From Wikipedia, the free encyclopedia
Բեռնար Առնո (ֆր.՝ Bernard Arnault, մարտի 5, 1949[1][2][3][…], Ռուբե, Ֆրանսիա), ֆրանսիացի գործարար, Louis Vuitton Moët Hennessy ընկերության նախագահ։ Մոլորակի ամենահարուստ մարդկանցից մեկն է։ Ըստ Ֆորբսի՝ 2016 թվականի դրությամբ նրա կարողությունը կազմել է 34 միլիարդ դոլար[7]։ Պատվավոր Լեգեոնի շքանշանի կոմանդոր է։
Բեռնար Առնո ֆր.՝ Bernard Arnault | |
---|---|
![]() | |
Ծնվել է | մարտի 5, 1949[1][2][3][…] (75 տարեկան) |
Ծննդավայր | Ռուբե, Ֆրանսիա |
Քաղաքացիություն | ![]() |
Կրթություն | Lycée Faidherbe? և Պոլիտեխնիկական դպրոց |
Մասնագիտություն | արվեստի կոլեկցիոներ, գործարար, ճարտարագետ և ձեռնարկատեր |
Ամուսին | Hélène Mercier-Arnault?[4] և Anne Dewavrin? |
Ծնողներ | հայր՝ Jean Leon Arnault?[5] |
Զբաղեցրած պաշտոններ | նախագահ և գործադիր տնօրեն, նախագահ և գործադիր տնօրեն, նախագահ, director? և նախագահ և գործադիր տնօրեն |
Պարգևներ և մրցանակներ | |
Երեխաներ | Delphine Arnault?, Antoine Arnault?, Alexandre Arnault?, Frédéric Arnault? և Jean Arnault? |
![]() |
Բեռնար Առնոն ծնվել է ֆրանսիական Ռուբե քաղաքում։ 1971 թվականին ինժեներական աստիճանով ավարտել է Փարիզի Պոլիտեխնիկական դպրոցը։
Ֆրանսիական LVMH (Louis Vuitton Moët Hennessy) ընկերության վերահսկող փաթեթի սեփականատերն է։
2012 թվականին գործարարը դիմել է՝ ստանալու բելգիական քաղաքացիություն[8]։ Թեև ինքը՝ Առնոն, հայտնել է, որ իր գործողությունները պայմանավորված են Բելգիայում ներդրումները զարգացնելու ձգտմամբ, սակայն շատերը կարծում են, որ այդ կերպ նա փորձում է խուսափել հարկերից այն բանից հետո, երբ նախագահ Ֆրանսուա Օլանդը որոշեց 75 տոկոսանոց հարկ սահմանել նրանց համար, ում տարեկան եկամուտները գերազանցում են մեկ միլիոն եվրոն[8]։
Սեպտեմբերի 10–ին Առնոն դատի տվեց «Libération» լրագիրը, որն իր առաջին էջում տեղադրել էր գործարարի նկարը ֆր.՝ Casse-toi, riche con! (Հեռացիր, հարուստ հիմար) խորագրով[9]։ Այդ խոսքերը Ֆրանսիայի նախկին նախագահ Նիկոլա Սարկոզիի խոսքերի վերաձևակերպված տարբերակն են․ 2008 թվականի փետրվարի 23–ին նա «Casse-toi, pauvre con!» արտահայտությամբ դիմել է մեկին, ով հրաժարվել է սեղմել իր ձեռքը («Pauvre»–ն այս ենթատեքստում կարող է թարգմանվել որպես «խղճուկ» կամ «աղքատ»)[10]։
Ամուսնացել է երկու անգամ (վերջին ամուսնությունը՝ 1991 թվականին), հինգ երեխաների հայր է։ Առաջին կնոջից՝ Աննա Դեվավրենից ունի երկու երեխա՝ Անտուան Առնո և Դելֆինա Առնո։ Երկրորդ կինը դաշնակահարուհի Էլեն Մերսեն է, ում հետ միասին ունեն երեք որդի[11]։
Ֆորբս ամսագրի տվյալներով Բեռնար Առնոն երկար տարիներ համարվում է Ֆրանսիայի ամենահարուստ մարդկանցից մեկը։ 2019 թվականին գործարարը զբաղեցրել է աշխարհի ամենահարուստ մարդկանց ցուցակի չորրորդ հորիզոնականը՝ ունենալով 76 միլիարդ դոլարի անձնական հարստություն[12]։
2013 թվականին մասնաճյուղն էական անկում ապրեց, ինչի արդյունքում գործարարի կապիտալը նվազեց մինչև 29 միլիարդ դոլար, և նա հետ մղվեց դեպի աղյուսակի առաջին տասնյակի վերջը[13]։
2014-2016 թվականները ֆրանսիացի գործարարի համար բավականին արդյունավետ էին. ունեցվածքը նորից սկսեց աճել, սակայն նա այդպես էլ չկարողացավ վերադառնալ Ֆորբսի տասնյակ։ 2017 թվականի սկզբին Բեռնարի ունեցվածքը վերադարձավ «նախաճգնաժամային» վիճակին՝ 41 միլիարդ դոլար, սակայն դրանով նա զբաղացրեց վարկանշային աղյուսակի 11-րդ տեղը[14]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.