Բաթլ (Արևելյան Սասեքս)

Բաթլ (անգլ.՝ Battle), ոչ մեծ քաղաք Մեծ Բրիտանիայի Անգլիա երկրամասում՝ Արևելյան Սասեքս կոմսությունում, Հասթինգս քաղաքից մոտավորապես 10 կիլոմետր հեռավորության վրա։ Զբաղեցնում է 31,8 քառակուսի կիլոմետր տարածք^[2]։ 2011 թվականի մարդահամարի տվյալներով բնակչության թվաքանակը եղել է 6.673^[3]: Բաթլը զբոսաշրջային կենտրոն է, ընդգրկված է արտակարգ գեղեցիկ բնությամբ տարածքում (High Weald Area of Outstanding Natural Beauty):

Բնակավայր
Բաթլ
Երկիր	Միացյալ Թագավորություն
Համայնք	Rother?
Մակերես	31,8±0,1 կմ²
Բնակչություն	▲6762 մարդ (2021)[1]
Ժամային գոտի	UTC+0
Հեռախոսային կոդ	01424
Փոստային դասիչ	TN33
Պաշտոնական կայք	battletowncouncil.org.uk
Բաթլ (Արևելյան Սասեքս) (Միացյալ Թագավորություն)
Բաթլ Վիքիպահեստում

Քաղաքը գտնվում է հենց այն վայրում, որտեղ 1066 թվականին տեղի է ունեցել Հասթինգսի ճակատամարտը։

Բաթլի աբբայությունը

Սկզբում Վիլհելմ I Նվաճողը հիմնադրել է Բաթլի աբբայությունը՝ Battle Abbey-ը ՝ ճակատամարտում իր տարած հաղթանակը նշանավորելու համար (անգլ.՝ Battle նշանակում է «ճակատամարտ»)^[4]։ Ընդ որում՝ վանքի գլխավոր եկեղեցու խորանը գտնվում էր հենց Անգլիայի թագավոր Հարոլդ II- ի զոհվելու ենթադրյալ վայրում^[5] ։ Սուրբ Մարտինին նվիրված եկեղեցին կառուցվել է Վիլհելմ Առաջինի մահից հետո և օծվել 1095 թվականին նրա որդու՝ Վիլհելմ II Կարմրահերի օրոք։ 13-րդ դարում աբբայության շուրջը ձևավորվել է Բաթլ փոքր քաղաքը։

Հենրի VIII թագավորի կողմից իրականացված վանքերի աշխարհիկացման ժամանակ Բաթլի աբբայությունը սկսել են քանդել, սակայն որոշ շինություններ պահպանվել են։ Ներկայումս աբբայության ավերակները և շրջակա տարածքը զբոսաշրջային տեսարժանություն են։

Ժամանակակից քաղաքային շինություններ

Այս քաղաքում է հիմնադրվել հայտնի Keane ռոք խումբը։

Քույր քաղաքներ

• Սեն Վալերի սյուր Սոմ, Ֆրանսիա^[6]

Ծանոթագրություններ

1. Parish Profiles // 2021 United Kingdom census — Office for National Statistics.
2. «East Sussex in Figures». East Sussex County Council. Արխիվացված օրիգինալից 2012 թ․ դեկտեմբերի 28-ին. Վերցված է 2008 թ․ ապրիլի 26-ին.
3. «Town population 2011». Neighbourhood Statistics. Office for National Statistics. Արխիվացված է օրիգինալից 2016 թ․ մարտի 4-ին. Վերցված է 2015 թ․ հոկտեմբերի 6-ին.
4. «Баттль». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
5. «1066 Battle of Hastings, Abbey and Battlefield» (անգլերեն). Արխիվացված է օրիգինալից 2012 թ․ օգոստոսի 17-ին. Վերցված է 2012 թ․ օգոստոսի 12-ին.
6. «British towns twinned with French towns [via WaybackMachine.com]». Archant Community Media Ltd. Արխիվացված է օրիգինալից 2013 թ․ հուլիսի 5-ին. Վերցված է 2013 թ․ հուլիսի 20-ին.

Վիքիպահեստն ունի նյութեր, որոնք վերաբերում են «Բաթլ (Արևելյան Սասեքս)» հոդվածին։