![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/Coat_of_arms_of_the_Princely_House_of_Rshtuni.jpg/640px-Coat_of_arms_of_the_Princely_House_of_Rshtuni.jpg&w=640&q=50)
Արտակ Ռշտունի
From Wikipedia, the free encyclopedia
Արտակ Ռշտունի (ծննդյան և մահվան թվականները անհայտ, 5-րդ դար), Ռշտունյաց իշխան, Ռշտունիների նախարարական տոհմից։ Եղել է Վարդան Մամիկոնյանի, այնուհետև Վասակ Սյունու զինակիցը։
- Վիքիպեդիայում կան հոդվածներ Ռշտունի ազգանունով այլ մարդկանց մասին։
Արտակ Ռշտունի | |||
![]() | |||
| |||
---|---|---|---|
5-րդ դար | |||
Ազգություն | Հայ | ||
Դավանանք | Քրիստոնեություն | ||
Դինաստիա | Ռշտունիներ |
Արտակ Ռշտունին եղել է այն նախարարների մեջ, որոնք 450 թվականին Հազկերտ Բ-ի հրամանով կանչվել էին Տիզբոն։ Մահապատժի սպառնալիքի տակ բոլոր նախարարները առերես ուրացել են իրենց հավատքը։ Հազկերտ Բ-ն, պատանդ պահելով մարզպան Վասակ Սյունու որդիներին ու Գուգարքի բդեշխ Աշուշային, հայ նախարարներին 700 մոգերի և հսկիչ զորախմբի ուղեկցությամբ ճանապարհել է Հայաստան՝ հանձնարարելով 1 տարում եկեղեցիները վերածել մեհյանների ու կրակատների և կառուցել ատրուշաններ։ Հայ նախարարները վերադարձել են հայրենիք՝ անհրաժեշտ դիմադրություն կազմակերպելու հույսով։ Այնուհետև Արտակ Ռշտունին անցել է մարզպան Վասակ Սյունու կողմը՝ ի հակադրություն Վարդան Մամիկոնյանի։