![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/%25CE%2595%25CE%25BE%25CE%25AC%25CE%25B2%25CE%25B9%25CE%25B2%25CE%25BB%25CE%25BF%25CF%2582_%25CF%2584%25CE%25BF%25CF%2585_%25CE%2591%25CF%2581%25CE%25BC%25CE%25B5%25CE%25BD%25CF%258C%25CF%2580%25CE%25BF%25CF%2585%25CE%25BB%25CE%25BF%25CF%2585_-_Hexabiblos_by_Armenopoulos_-_1540.png/640px-%25CE%2595%25CE%25BE%25CE%25AC%25CE%25B2%25CE%25B9%25CE%25B2%25CE%25BB%25CE%25BF%25CF%2582_%25CF%2584%25CE%25BF%25CF%2585_%25CE%2591%25CF%2581%25CE%25BC%25CE%25B5%25CE%25BD%25CF%258C%25CF%2580%25CE%25BF%25CF%2585%25CE%25BB%25CE%25BF%25CF%2585_-_Hexabiblos_by_Armenopoulos_-_1540.png&w=640&q=50)
Արմենոպուլոսի վեցամատյան
From Wikipedia, the free encyclopedia
Արմենոպուլոսի վեցամատյան, բյուզանդական իրավունքի նորմերի ժողովածու։ Կազմել է Արմենոպուլոս Կոստանդինը մոտ 1345 թվականին։ Ժողովածուն պարունակում է քաղաքացիական և քրեական իրավունքի նորմեր և դատավարական դրույթներ, որոնք լայն կիրառություն ունեին Բյուզանդիայում։ Կայսրության կործանումից հետո «Վեցամատյանը» օգտագործվել է Թուրքիայում հունական եկեղեցական դատարանների կողմից՝ որպես քաղաքացիական գործերի ուղեցույց։ Հունաստանը թուրքական լծից անկախ հռչակվելուց (1822) հետո, 1828 թվականի դեկտեմբերի 15-ին, Հունաստանի պրեզիդենտ Ի․ Կապոդիստրիասի հատուկ հրամանագրով «Վեցամատյանն» ընդունվեց որպես քաղաքացիական իրավունքի օրենսդրության հիմք։ Այն մեծ դեր է խաղացել Բյուզանդիայում և Հունաստանում իրավագիտական մտքի զարգացման գործում։ Նրա նորմերից շատերը կիրառվել են նաև Բեսարաբիայում, Վալախիայում և Մոլդավիայում։ «Արմենոպուլոսի վեցամատյանն» առաջին անգամ լույս է տեսել 1540 թվականին, Փարիզում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 96)։ ![]() |
Արմենոպուլոսի վեցամատյան | |
---|---|
![]() | |
Հեղինակ | Կոստանդին Արմենոպուլոս |
Տեսակ | գրական ստեղծագործություն |
Բնօրինակ լեզու | միջին հունարեն |
Երկիր | ![]() |