Աստվածաշնչի թանգարան (Ամստերդամ)

Աստվածաշնչի թանգարան (հոլ.՝ Bijbels Museum), գտնվում է Նիդերլանդներում (Ամստերդամ)` Հերենգրախտի № 366-370 հասցեում։ Թանգարանի ցուցասրահում ներկայացված են հինդուիզմի և քրիստոնեության, Աստվածաշնչի պատմության, ավանդույթների և հասարակական կյանքի վրա Աստվածաշնչի ազդեցության, նաև կերպարվեստի ցուցանմուշներ։

Աստվածաշնչի թանգարան
Տեսակ	թանգարան և ոչ առևտրային կազմակերպություն
Երկիր	Նիդերլանդներ
Տեղագրություն	Ամստերդամ
Ղեկավարության նստավայր	Ամստերդամ, Հյուսիսային Հոլանդիա, Նիդերլանդներ[1]
Հասցե	Herengracht 366-368Հերենգրախտ (366, 368)
Հիմնադրվել է	1975
Այցելուներ	40 157 մարդ (2014)
Կայք	bijbelsmuseum.nl

Թանգարան

Թանգարանը հիմնադրվել է 1852 թվականին 19-րդ դարի քահանա Լինդերտ Ստոուտենի հավաքածուի հիման վրա։ 1975 թվականին թանգարանը տեղափոխվել է այժմյան տեղը` Հերենգրախտ ջրանցքի վրա գտնվող չորս կից տներում, որոնք հայտնի են որպես Cromhouthuizen: 2002 թվականին թանգարանի 150-ամյակին ներկա է գտնվել Բեատրիս թագուհին^[2]։

2001 թվականի համեմատ թանգարանի այցելուների թիվը աճել է 40 %-ով. դա կապված է հանրաճանաչ ժամանակավոր ցուցադրությունների անցկացման հետ^[3]:. 2006 թվականին թանգարանն ունեցել է 47 հազար այցելու^[4]:. Թանգարանը գոյատևում է պետբյուջեից ստացվող դրամական օժանդակության շնորհիվ^[5]:.

Թանգարանի էքսպոզիցիաներում կան շատ թանկարժեք ցուցանմուշներ։ Դրանց շարքում է նիդերլանդական առաջին Աստվածաշունչը (Delftse Bijbel)(1477)^[6], հոլանդերեն առաջին Աստվածաշունչը (1637), Կումրանի ձեռագրերի ֆաքսիմիլային պատճենները, հիմնականում Եսայի գրքից։

Թանգարանում կան նաև 19-րդ դարում Ստոուտենի կողմից հավաքված Հին Եգիպտոսի հնագիտական գտածոներ` յուղալամպեր, կավե ցուցատախտակներ, կերամիկական իրեր, կավե ամանների մնացորդներ և դրամներ։ Նրանք պատկերացում են տալիս հին հռոմեացիների կրոնական կյանքի մասին^[6]:.

Կան նաև հին հրեական տաճարների մակետներ, այդ թվում` Սողոմոնի և Հերովդեսի տաճարների մոդելներ, ինչպես նաև 19-րդ դարի խորանի մոդելը, Աստվածաշնչում եբրայերեն նկարագրված Անկեղծության տապանի վերակերտվածքը, որը իսրայելցիները արտաքսման ժամանակ անապատում տանում էին իրենց հետ։ Ցուցադրության մի մասը նախատեսված է երեխաների համար, որտեղ ձայնի և լույսի օգնությամբ պատմվում են աստվածաշնչյան պատմություններ երեք տարբեր տարածքներում` Եգիպտոս, Երուսաղեմ և անապատ։ Այդ ցուցադրությունը մշակվել է Ռիտվելդի ակադեմիայի շրջանավարտներ Էբբի Ստեյնհաուզերի և Սասկի վան դեր Զանդենի կողմից^[7]:.

2009 թվականին թանգարանը,վիճակախաղերի հոլանդացի օպերատորի ֆինանսական հովանավորությամբ, ձեռք բերեց Վան Նուրդվիյկի հավաքածուն, որն ուներ արծաթե կազմով կրոնական գրքեր^[8]:.

Ամեն տարի հոկտեմբերի վերջին շաբաթ օրը թանգարանում անց է կացվում հին Աստվածաշունչ և կրոնական գրականություն ունեցողների հավաք, որին ցանկացած մարդ կարող է բերել 1900 թվականից առաջ տպագրված գրքեր։ Այդ հավաքների ժամանակ եվրոպացի փորձագետ Թոն Բոլլանդը գնահատում է այդ հազվագյուտ իրերը։

Շենքը

Շենքը իրենից ներկայացնում է Հերենգրախտ ջրանցքի վրա գտնվող չորս կից տներ, որը կառուցվել է 1662 թվականին փայտերի վաճառքով զբաղվող հարուստ վաճառական և գեղարվեստական իրերի կոլեկցիոներ Յակով Կրոմհոուտի համար։ Ճարտարապետը եղել է Ֆիլիպ Վինգբոոնսը։

Շենքի ինտերիերում պահպանվել են Նիդերլանդների ամենահին խոհանոցներից երկուսը։ Տան մեջ պահպանվել են 1718 թվականին Յակով դե Վիտոյի կողմից արված առաստաղի զարդանկարները, որոնք ներկայացնում են հռոմեական աստվածների դիցաբանական պատկերացումները^[9]։ 1717 թվականին տան վերակառուցման ժամանակ կառուցվել են մարմարե սրահից դեպի վերևի հարկեր տանող անգլիական քանդակազարդ աստիճանները։

Թանգարանի այգում կան Աստվածաշնչում հիշատակվող ծառեր և բույսեր` թզենի, արմավենի, դափնեվարդ և այլն, իսկ «Բուրմունքների սենյակում» այցելուները կարող են զգալ Աստվածաշնչում հիշատակվող տարբեր բուրավետ նյութերի հոտը, ինչպիսիք են` նշենին և ակացիան։

• 
  Քրիստոսը տաճարից հանում է դրամները։ Յակոբ Յորդանս
• 
  Խաչի կանգնեցնելը(1683)։ Ադրիեն Բակեր
• 
  Հովհաննես Մկրտչի ծառայությունը (1606)։ Հերրիտ Պետերս Սվեյելինկ
• 
  Քրիստոսի Հարությունը (1607-1669)։ Կասպար դե Կրայեր
• 
  Մովսեսը նշանակում է 70 ավագներին (1735)։ Յակոբ դե Վիտ
• 
  Սուրբ ընտանիք (1650)։ Յան վան Կեսել
• 
  Բարի սամարացին (1617). Յան վան Ամստել

Ծանոթագրություններ

1. https://anbi.nl/publicatieverplichting/stichting-bijbels-museum/
2. «Beatrix aanwezig bij viering 150-jarig bestaan Bijbels Museum». Nieuws.nl. 2002 թ․ նոյեմբերի 22. Արխիվացված է օրիգինալից 2011 թ․ հուլիսի 20-ին. Վերցված է 2009 թ․ փետրվարի 25-ին.
3. «Recordaantal bezoekers voor Bijbels Museum». Friesch Dagblad. 2003 թ․ հունվարի 8. Արխիվացված է օրիգինալից 2011 թ․ հուլիսի 21-ին. Վերցված է 2009 թ․ փետրվարի 25-ին.
4. «2006 recordjaar voor Bijbels Museum» (Dutch). Brabants Dagblad. 2007 թ․ հունվարի 2. Վերցված է 2009 թ․ փետրվարի 25-ին.{{cite news}}: CS1 սպաս․ չճանաչված լեզու (link)
5. «Bijbels Museum krijgt toch subsidie» (Dutch). Nederlands Dagblad. 2006 թ․ նոյեմբերի 21.{{cite news}}: CS1 սպաս․ չճանաչված լեզու (link)
6. Labalme, Corinne (2002 թ․ մարտի 31). «What's Doing in Amsterdam». New York Times. Վերցված է 2009 թ․ փետրվարի 25-ին.
7. Staal, Gert (2004). Asking Questions: 10 Years of Architectural Design at the Gerrit Rietveld Academy. Rotterdam: 010 Publishers. էջ 273. ISBN 978-90-6450-531-7.
8. «Drie ton voor aankoop Bijbels met zilverwerk». IKON. 2009 թ․ փետրվարի 17. Վերցված է 2009 թ․ փետրվարի 25-ին.
9. Versloot, Anne (2000 թ․ փետրվարի 11). «Peuteren op de vierkante millimeter». Radio Nederland Wereldomroep. Վերցված է 2009 թ․ փետրվարի 25-ին.(չաշխատող հղում)

Արտաքին հղումներ

• Музей Библии в Амстердаме Արխիվացված 2016-08-14 Wayback Machine

Վիքիպահեստն ունի նյութեր, որոնք վերաբերում են «Աստվածաշնչի թանգարան (Ամստերդամ)» հոդվածին։