Ասկիա
From Wikipedia, the free encyclopedia
Ասկիա (իսլ.՝ Askja), գործող ստրատոհրաբուխ Իսլանդական սարավանդի կենտրոնում, որը գտնվում է Օուդաուդախրեին լեռան արևելյան մասում (Վատնաիյոկյուդլ սառցադաշտից հյուսիս, համանուն ազգային պարկի տարածքում)։ Հրաբխի բարձրությունը ծովի մակարդակից 1516 մ է[1]։
| Ասկիա | |
|---|---|
 | |
| Տեսակ | բնության հատուկ պահպանվող տարածք, Կալդերա և Գործող հրաբուխ |
| Երկիր |  Իսլանդիա |
| Վարչատարածքային միավոր | Þingeyjarsveit? |
| Մասն է | Dyngjufjöll? |
| Բարձրությունը ծովի մակարդակից | 1516 մետր |
| Մակերես | 62,17 կմ² և 45 կմ² |
| Պահպանման տարածք | Vatnajökull National Park? |
| Նյութ | բազալտ և Ռիոլիթ |
| Ձևավորում | 1978 |
| Սմիթսոնիան կոդ | 373060 |
Երկրաբանորեն Ասկիայի շուրջ լեռները ծագել են հրաբխային ակտիվությունից[2]։
Վերջին ժայթքումը եղել է 1961 թվականին[3]։
1875 թվականի մարտի 29-ին հրաբխի ժայթքման հետևանքով շուրջ 45 կմ² մակերեսով կալդերայում ձևավորվել են երկու խոշոր լճեր.
- Էսկյուվատն (իսլ.՝ Öskjuvatn) լիճն ունի շուրջ 11 կմ² մակերես և 220 մ խորություն։ Այն Իսլանդիայի ամենախոր լիճն է[1]։ Սկզբնական շրջանում ձևավորվելուց հետո այն տաք էր, սակայն ներկայումս հիմնականում ծածկված է սառույցով։ Լճի հարավային մասում գտնվում է մի փոքրիկ Էյջա կղզին, որը ձևավորվել է 1926 թվականի ժայթքումից[4]։
.jpeg)
- Վիտին (իսլ.՝ Viti — ад) երկրաջերմային լիճ է, որը գտնվում է Էսկյուվատն լճի հյուսիսային ափին։ Տրամագիծը կազմում է շուրջ 100 մ, իսկ խորությունը՝ 7 մետր։ Լճի ջուրը բաց կապույտ է, ջերմաստիճանը տատանվում է 20-ից մինչև 27 °C[5]: Լճի մոտ զգացվում է ծծմբի ուժեղ հոտ, որից էլ լիճը ստացել է իր անվանումը[4]։
Երկու խոշոր լճերից բացի կան նաև մի քանի լճեր ևս, որոնք ձևավորվել են հրաբխային խառնարաններում։
Դեպի Ասկիա իրականացվող երթուղին կախված է ուղղության մեկնակետից։ Հարավից եկող զբոսաշրջիկները օգտվում են F910 ավտոմայրուղուց, իսկ նրանք, ովքեր գալիս են հյուսիսից, շարժվում են F88 մայրուղով։ Սա միակ ճանապարհն է, որը հատում է F910 մայրուղին և ուղղվում դեպի Ասկիա։
Հրաբխային խառնարանից 8 կմ հեռավորության վրա տեղակայված է մշտական զբոսաշրջային ճամբար։ Այստեղ կարելի է գիշերել։ Զբոսաշրջիկների տրամադրության տակ կան երկու տնակներ։ Առաջինում հարմարություններ են՝ ներառյալ փոքր ընդհանուր խոհանոց և ցնցուղ, իսկ երկրորդը գիշերակացի համար է։
Վիտի լիճ
Էսկյուվատն լիճ
Էսկյուվատն (ձախից) և Վիտի (առջևում) լճեր
Ասկիա
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
