Անսի (քաղաք, Ֆրանսիա)

Անսի (ֆր.՝ Annecy Միջազգային հնչյունական այբուբեն, Èneci, օքս.՝ Anecí, երբեմն գրվում է նաև Աննեսի), քաղաք Ֆրանսիայի արևելքում։ Վերին Սավոյ դեպարտամենտի վարչական կենտրոնն է։ Բնակչության թիվը կազմում է 51 000 մարդ^[3]։

Բնակավայր
Անսի
ֆր.՝ Annecy[1]
Դրոշ Զինանշան
Երկիր	Ֆրանսիա
Համայնք	Վերին Սավոյ և arrondissement of Annecy?
Մակերես	66,93 կմ²
ԲԾՄ	448 մետր, 418 մետր, 926 մետր
Բնակչություն	▼131 715 մարդ (հունվարի 1, 2021)[2]
Ժամային գոտի	UTC+1 և UTC+2
Փոստային դասիչ	74000
Պաշտոնական կայք	annecy.fr
Անսի (քաղաք, Ֆրանսիա) (Ֆրանսիա)
Անսի Վիքիպահեստում

Աշխարհագրություն

Անսին տեղակայված է Ժնևից մոտ 40 կմ հարավ գտնվող համանուն լճի հյուսիսային ափին։ Թյու ջրանցքն անցնում է քաղաքով՝ կապելով լիճը Ֆիեր գետի հետ, որը ձևավորում է հյուսիսարևմտյան սահմանը։ Անսիին շրջապատում են Վերե, Սեմնոզ, Տորնետ և Պարմելան լեռները։

Մշակույթ

1960 թվականին Անսիում հիմնադրվել է «Մուլտֆիլմերի միջազգային ասոցիացիա» անիմացիոն ֆիլմերի միջազգային ասոցիացիան։ Այդ ժամանակից (հունիս) քաղաքում ամեն տարի անցկացվում է անիմացիոն ֆիլմերի միջազգային փառատոն։

Տնտեսություն

Անսին ունի մետաղի և փայտի վերամշակման արտադրություն, տեքստիլի և սննդի արդյունաբերություն։ Քաղաքը համարվում է բուժավայր։

Տեսարժան վայրեր

• Անսիում՝ քաղաքի կենտրոնում գտնվող բլրի վրա, գտնվում է միջնադարյան դղյակ։ Դրա մասին առաջին հիշատակումը հայտնվել է 12-րդ դարում։ Ամրոցը ծառայել է որպես Ժնևի կոմսերի, իսկ ավելի ուշ՝ Սավոյի դքսերի նստավայր։ Ամրոցում գործում է թանգարան՝ մշտական և ժամանակավոր ցուցահանդեսներով։
• 16-րդ դարում կառուցված Սուրբ Պետրոսի եկեղեցին Անսիի եպիսկոպոսության կենտրոնն է, որը կազմավորվել է 1822 թվականին։
• Կղզու պալատը, որը գտնվում է Թյու ջրանցքի կենտրոնում, կառուցվել է 1132 թվականին։ Պատմության ընթացքում շենքը ծառայել է տարբեր վարչական գործառույթների, մասնավորապես՝ իբրև Անսիի կառավարչի նստավայր, քաղաքային դատարան և քաղաքային բանտ։ 1900 թվականին կղզու պալատը ճանաչվել է որպես Անսիի պատմական հուշարձան, ներկայումս այնտեղ է գտնվում քաղաքի թանգարանը։

Սպորտ

• Քաղաքը 2018 թվականի ձմեռային օլիմպիական խաղերն անցկացնելու թեկնածու էր, բայց պարտվել է հարավկորեացի Փհենչհանին։
• Անսին պատրաստվում էր ընդունել 2011/2012 թվականների բիաթլոնի աշխարհի գավաթի փուլը, բայց ձյան և տաք եղանակի իսպառ բացակայության պատճառով բեմը տեղափոխվել է Հոխֆիլցեն։
• 2013 թվականի մարտին Անեսիում անցկացվել են Համաշխարհային երկրորդ ռազմական խաղերը։

Քույր քաղաքներ

• Բայրոյթ, Գերմանիա
• Չելթնհեմ, Մեծ Բրիտանիա
• Լիպտովսկի Միկուլաշ, Սլովակիա
• Սուրբ Թերեզա, Կանադա
• Վիչենցա, Իտալիա

Պատկերասրահ

• 
  Անսի, Անսի լճի հյուսիսային մասում
• 
  Կղզու պալատ
• 
  Անսիի ամրոց
• 
  Տեսարան ամրոցից դեպի Անսի
• 
  Սուրբ Պետրայի մայր տաճարի
• 
• 
• 
• 

Ծանոթագրություններ

1. Code officiel géographique
2. Populations légales 2021 — The National Institute of Statistics and Economic Studies, 2023.
3. INSEE Перепись населения в 2012 году

Գրականություն

• Аннеси // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

Արտաքին հղումներ

• Անսիի քաղաքապետարանի պաշտոնական կայք(ֆր.)(անգլ.)(գերմ.)(իտալ.)
• Անսիի զբոսաշրջության պաշտոնական կայք(ֆր.)(անգլ.)(գերմ.)(իտալ.)(նիդեր.)

.

Վիքիպահեստն ունի նյութեր, որոնք վերաբերում են «Անսի (քաղաք, Ֆրանսիա)» հոդվածին։