From Wikipedia, the free encyclopedia
Ամերիկանացում, ԱՄՆ-ի ազդեցությունն այլ երկրների զանգվածային մշակույթի, բիզնես մոդելի, լեզվի և քաղաքականության վրա։ Հայեցակարգը հորինվել է 1907 թվականին[1], և ի սկզբանե վերաբերել է Կանադայում ամերիկյան կենսակերպի ժողովրդականության աճին։ Միացյալ Նահանգներում հայեցակարգը վերաբերում է ներգաղթյալների ձուլման գործընթացին։
Աշխարհի 10 ամենահայտնի ապրանքանիշներից 7-ը գտնվում են ԱՄՆ-ում (2006 թվականի տվյալներով)[2]։ Դրանցից մի քանիսը, լինելով ամերիկյան մշակույթի խորհրդանիշներ, հաճախ դառնում են ամերիկայնացման խորհրդանիշ, ինչպիսին է Կոկա-Կոլան[3]։ Նաեւ հաճախ ամերիկացման հետ են կապում ֆասթֆուդի մշակույթը և, հատկապես, McDonald's[4] հաստատությունների ցանցը (որոշ լրագրողների խոսքով՝ «ՄաքԴոնալդսը կա ամենուր, ուր էլ որ գնաք»[5]), ինչպես նաև ՏՏ բնագավառում առաջատար ընկերություններ՝ Microsoft-ը, Apple Inc․-ը և IBM-ը։
Հոլիվուդը և ամերիկյան կինոն և հեռուստատեսային ինդուստրիան գլխավոր աղբյուրներն են, որոնց միջոցով մարդիկ, որոնք ապրում են ԱՄՆ-ի սահմաններից դուրս, տեղեկանում են ամերիկյան մշակույթի և սովորույթների մասին։ 2000-ականներին Radio Times-ի ուսումնասիրության համաձայն՝ «Սիմփսոնները», «Հուսահատ տնտեսուհիները» և «Կորուսյալները» ամենաշահութաբեր ծրագրերն են աշխարհի 20-ից ավելի երկրներում[6]։ ԱՄՆ-ում են նկարահանվել նաև «Ավատար» և «Քամուց քշվածները» ֆիլմերը[7]։
Ամերիկյան երաժշտությունը լայնորեն տարածված է ԱՄՆ-ի սահմաններից դուրս։ Այնպիսի կատարողներ ինչպիսիք են Էլվիս Փրեսլին և Մայքլ Ջեքսոնը հանրաճանաչ են ամբողջ աշխարհում, և նրանց աշխատանքները նույնիսկ մահից հետո վաճառվում են հսկայական տպաքանակով[8]։ Մայքլ Ջեքսոնի «Thriller» ալբոմը վաճառվել է ավելի քան 100 միլիոն օրինակով և համարվում է պատմության մեջ ամենավաճառվող ալբոմը[9]։ Բացի այդ, ամերիկյան երաժշտության ժանրերը, ընդհանուր առմամբ, շատ տարածված են և նույնիսկ ձևավորում են սեփական տարածաշրջանային ոճը, ինչպես օրինակ, ռուսական ռոք և ճապոնական ռոք։
Էկզոտիկ երկրներին (ինչպիսիք են Ճապոնիան կամ Չինաստանը) նվիրված աղբյուրների մեծ մասը անգլալեզու են, իսկ բնօրինակ նյութերը դժվար հասանելի են այդ լեզուների միջին վիճակագրական մարդու թույլ իմացության պատճառով։ Սա հաշվի առնելով, հաճախ ճապոնական և չինական բառերը գրվում են անգլերեն գրառմամբ։
Մարդկության պատմության մեջ առաջատար տերության արժեքների, լեզվի և մշակույթի փոխառություններ հաճախ են հանդիպել։ Նմանատիպ զարգացում հանդիպել է․
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.