From Wikipedia, the free encyclopedia
Ալչիդե Ամեդեո Ֆրանչեսկո դե Գասպերի (իտալ.՝ Alcide Amedeo Francesco De Gasperi, ապրիլի 3, 1881[2][3][4][…], Պիևե Տեզինո, Տիրոլի կոմսություն, Ավստրո-Հունգարիա - օգոստոսի 19, 1954[5][2][3][…], Բորգո Վալսուգանա, Տրենտո, Տրենտինո Ալտո Ադիջե, Իտալիա), Քրիստոնեա-դեմոկրատական քաղաքական գործիչ, Իտալիայի վարչապետը 1945 թվականի դեկտեմբերի 10-ից մինչև 1953 թվականի օգոստոսի 17-ը։
Ալչիդե դե Գասպերի իտալ.՝ Alcide De Gasperi | |
Կուսակցություն՝ | Քրիստոնյա-դեմոկրատական կուսակցություն |
---|---|
Կրթություն՝ | Giovanni Prati - Trento? և Վիեննայի համալսարան |
Գիտական աստիճան՝ | դափնեկիր[1] |
Մասնագիտություն՝ | քաղաքական գործիչ, լեզվաբան, լրագրող և դիվանագետ |
Դավանանք | Հռոմի Կաթոլիկ եկեղեցի |
Ծննդյան օր | ապրիլի 3, 1881[2][3][4][…] |
Ծննդավայր | Պիևե Տեզինո, Տիրոլի կոմսություն, Ավստրո-Հունգարիա |
Վախճանի օր | օգոստոսի 19, 1954[5][2][3][…] (73 տարեկան) |
Վախճանի վայր | Բորգո Վալսուգանա, Տրենտո, Տրենտինո Ալտո Ադիջե, Իտալիա |
Թաղված | Սուրբ Լորենցոյի բազիլիկ[6] |
Քաղաքացիություն | Ավստրո-Հունգարիա, Իտալիայի թագավորություն և Իտալիա |
Ի ծնե անուն | իտալ.՝ Alcide Amedeo Francesco Degasperi |
Ամուսին | Francesca Romani? |
Զավակներ | Paola De Gasperi? և Maria Romana Catti de Gasperi? |
Ինքնագիր | |
Պարգևներ | |
1905 թվականին ավարտել է Վիեննայի համալսարանը՝ որպես փիլիսոփայության և գրականության մասնագետ, դառնալով լրագրող և ապա «Նոր Տրենտինո» («Nuovo Trentino») տպագիր պարբերականի խմբագիր։ 19-րդ դարի վերջին տարիներին եղել է Սոցիալ-քրիստոնեական, ուսանողական և իրրեդենտիստական շարժումների ակտիվ մասնակից, 1911 թվականից մինչև Առաջին համաշխարհային պատերազմի ավարտը եղել է ավստրիական ռեյխսրատի անդամ։
1919 թվականից հետո նրա հայրենի տարածաշրջանն անցել Է Իտալիայի կազմի մեջ, և Ալչիդե Դե Գասպերին դարձել Է Իտալիայի ժողովրդական կուսակցության հիմնադիրներից մեկը, հետագայում՝ նրա առաջնորդն ու գլխավոր քարտուղարը, 1921 թվականից եղել է խորհրդարանի անդամ։ Սկզբում Դե Գասպերին կողմ է իր կուսակցության մասնակցությանը Բենիտո Մուսոլինիի կառավարությունում, սակայն շուտով դարձել է նրա ռեժիմի հակառակորդը 1924 թվականին՝ պառակտման ընթացքում ղեկավարել է կուսակցության հակաֆաշիստական թևը։ Ֆաշիզմի դեմ ելույթների համար 16 ամիս գտնվել է բանտում։ Նրան դատապարտել են 4 տարվա ազատազրկման, սակայն չի կրել պատիժը առողջության վատթարացման պատճառով։ Ազատ արձակելուց հետո՝ 1931 թվականից աշխատել է Վատիկանի գրադարանում։
1943 թվականին հիմնադրել է Իտալիայի Քրիստոնեա-դեմոկրատական կուսակցությունը, որն այդ ժամանակ անօրինական էր և հիմնված էր Ժողովրդական կուսակցության վրա։ 1944 թվականից եղել է կուսակցության առաջին գլխավոր քարտուղարը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.