![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/%25D0%2590%25D0%25BB%25D0%25B8%25D0%25BC%25D0%25B5_%25D0%2590%25D0%25B1%25D0%25B4%25D0%25B5%25D0%25BD%25D0%25B0%25D0%25BD%25D0%25BE%25D0%25B2%25D0%25B0.jpg/640px-%25D0%2590%25D0%25BB%25D0%25B8%25D0%25BC%25D0%25B5_%25D0%2590%25D0%25B1%25D0%25B4%25D0%25B5%25D0%25BD%25D0%25B0%25D0%25BD%25D0%25BE%25D0%25B2%25D0%25B0.jpg&w=640&q=50)
Ալիմե Աբդենանովա
Ղրիմի թաթարական ծագում ունեցող խորհրդային զինծառայող, Հայրենական մեծ պատերազմի մասնակից / From Wikipedia, the free encyclopedia
Ալիմե Աբդենանովա (Ղրիմի թաթարերեն՝ Alime Abdenanova, հունվարի 4, 1924(1924-01-04), Կերչ, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ - ապրիլի 5, 1944(1944-04-05), Սիմֆերոպոլ, ՌԽՖՍՀ, ԽՍՀՄ), Ղրիմի թաթարական ծագում ունեցող խորհրդային զինծառայող, Հայրենական մեծ պատերազմի մասնակից, Պրիմորսկի բանակի շտաբի հետախուզության բաժնի ռեզիդենտ։ Կարմիր դրոշի շքանշանի ասպետ (1944)։ Ռուսաստանի Դաշնության հերոս (2014, հետմահու)։
Ալիմե Աբդենանովա | |
---|---|
Ղրիմի թաթարերեն՝ Alime Abdenanova | |
![]() | |
հունվարի 4, 1924(1924-01-04) - ապրիլի 5, 1944(1944-04-05) (20 տարեկան) | |
Ծննդավայր | Կերչ, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ |
Մահվան վայր | Սիմֆերոպոլ, ՌԽՖՍՀ, ԽՍՀՄ |
Քաղաքացիություն | ![]() |
Զորատեսակ | Բանվորա-գյուղացիական Կարմիր բանակ |
Կոչում | զինվոր |
Մարտեր/ պատերազմներ | Հայրենական մեծ պատերազմ |
Պարգևներ |
Հայրենական մեծ պատերազմի ժամանակ՝ 1943 թվականի աշնանը, Կարմիր բանակի զինծառայող Աբդենանովային ուղարկել են Ղրիմ, որը գտնվում էր Երրորդ Ռեյխի օկուպացիայի տակ, որտեղ, հետախուզական խմբի կազմում, կատարել է խորհրդային հրամանատարության առաջադրանքները և տեղեկություններ է հայթայթել Կերչի թերակղզում տեղակայված գերմանական և ռումինական զորքերի մասին։ 1944 թվականի փետրվարին խումբը բացահայտվել է, և նրա բոլոր անդամները ձերբակալվել են։ Դաժան խոշտանգումներից և երկարատև հարցաքննություններից հետո նրան գնդակահարել են 1944 թվականի ապրիլի 5-ին Սիմֆերոպոլում՝ Կարմիր բանակի Ղրիմի ազատագրման գործողության մեկնարկից երեք օր առաջ։