Ազուլեժու թանգարան

Ազուլեժու թանգարան (պորտ.՝ Museu Nacional do Azulejo), Լիսաբոնի ամենահայտնի ազգային թանգարաններից։ Հիմնադրվել է 1965 թվականին, ազգային թանգարանի կարգավիճակ է ստացել 1980 թվականին։ Տեղակայված է Աստվածածին եկեղեցու (պորտ.՝ Madre Deus) ներսում (1509)։

Ազուլեժու թանգարան
Տեսակ	թանգարան
Երկիր	Պորտուգալիա
Տեղագրություն	Penha de França?
Ղեկավարության նստավայր	Madre de Deus Convent, Penha de França, Լիսաբոն
Հիմնադրվել է	1960
Այցելուներ	202 900 մարդ (2022)[1]
Կայք	museudoazulejo.gov.pt​(պորտ.)

Թագարանում ներկայացված է ազուլեժուի և խեցեգործության պատրաստման ու զարգացման պատմությունը Պորտուգալիայում` սկսած 15-րդ դարից մինչև մինչ օրերը։ Ազուլեժու անվանումն ունի արաբական ծագում (արաբ․՝ al zulaycha‎‎, փոքր հղկված քար)։ Ազուլեժուները քառակուսի, տարբեր չափսի սալիկներն են, որոնք գունավորված են կամ նկարազարդված։ Պորտուգալական ավանդական ազուլեժուն ունի 14X14 սմ չափսեր։ Նախկինում Լիսաբոնում շատ հարգի է եղել տների կամ հասարակական վայրերի պատերի ծածկումը այդ սալիկներով, օրինակ` թագավորական պալատները, եկեղեցիները և այլն։ Ներկայումս էլ Պորտուգալիայում շարունակում են ազուլեժուով պատել տարբեր շենքերի ներսի պատերը։

Թանգարան կարելի է հասնել հետևյալ համարի ավտոբուսներով. 210, 718, 742, 759 և 794. Հարկավոր է իջնել Igreja Madre Deus կանգառում. Թանգարանը բաց է ամեն օր` բացի երկուշաբթիից, ժամը 10.00-18.00։ Թանգարանում ներկայացված են տարբեր տարիների խեցեգործության նմուշներ և ազուլեժուներ։

Պատկերասրահ

• 
  Ազուլեժու թանգարանի նմուշ
• 
  Ազուլեժու թանգարանի նմուշ
• 
  Ազուլեժու թանգարանի նմուշ
• 
  Ազուլեժու թանգարանի ներսի բակը
• 
  Ազուլեժու թանգարանի նմուշ
• 
  Լիսաբոնի Աստվածածին եկեղեցի, որտեղ գտնվում է Ազուլեժու թանգարանը
• 
  Լիսաբոնի Աստվածածին եկեղեցի, որտեղ գտնվում է Ազուլեժու թանգարանը

Ծանոթագրություններ

1. https://www.patrimoniocultural.gov.pt/static/data/docs/2023/03/10/ev.pdf

Արտաքին հղումներ

• Պաշտոնական կայք Արխիվացված 2018-12-28 Wayback Machine
• Թանգարանում

Վիքիպահեստն ունի նյութեր, որոնք վերաբերում են «Ազուլեժու թանգարան» հոդվածին։