![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/95/ST-Moorish-warrior.jpg/640px-ST-Moorish-warrior.jpg&w=640&q=50)
Աբու Լեյլա ալ-Մուհալհիլ
From Wikipedia, the free encyclopedia
Աբու Լեյլա ալ-Մուհալհիլ (ամբողջական անուն՝ արաբ․՝ عدي بن ربيعة التغلبي, Ուդայ իբն Ռաբիա ալ-Թաղլիբի, մոտ 443, Նաջդ, Սաուդյան Արաբիա - մոտ 531, Նաջդ, Սաուդյան Արաբիա), Նախաիսլամական Արաբիայի 6-րդ դարի ամենահայտնի բանաստեղծներից։ Նա որպես բանաստեղծ հայտնի էր Աբու Լեյլա ալ-Մուհալհիլ մականունով, իսկ որպես ասպետ հայտնի էր ալ-Զիր Սալեմ մականունով։ Բանաստեղծ Իմրուլկայսի քեռին էր։ Եղել է նաև Ամր իբն Քուլսումի պապը։
Աբու Լեյլա ալ-Մուհալհիլ أبو ليلى المهلهل | |
---|---|
![]() | |
Ծնվել է | մոտ 443 |
Ծննդավայր | Նաջդ |
Վախճանվել է | մոտ 531 |
Վախճանի վայր | Նաջդ |
Մասնագիտություն | ասպետ, բանաստեղծ և զորավար |
Ազգություն | արաբ |
Ժանրեր | կասիդա պոեմ |
Գրական ուղղություններ | նախաիսլամական արաբական գրականություն |
Զավակներ | Լեյլա բինթ ալ-Մուհալհիլ |
Ազգականներ | Ամր իբն Քուլսում |
Աբու Լեյլա ալ-Մուհալհիլը հյուսիսային Արաբիայի քրիստոնյա Թաղլիբ ցեղից էր։ Նրա բանաստեղծությունները կրում են քաջությունն ու վրեժխնդրությունը փառաբանող բնույթ։ Նա նաև գրել է բազմաթիվ սիրային տողեր։
Եղել է Թաղլիբ ցեղի ղեկավարներից Բասուսի պատերազմում[1]։
Նրա հերոսությունների մասին է հյուսվել ալ-Զիր Սալեմ դյուցազներգությունը (էպոսը)։ Նրա քաջարի կերպարը դարեր շարունակ ներշնչել է Արաբական, Սիրիական և բեդվինների ավանդական ու ժողովրդային հեքիաթներն ու պատմվածքները։ Նրա անձի շուրջ բազմաթիվ առասպելներ են հյուսվել Դամասկոսի ու Հալեպի հին սրճարանների հեքիաթասացների կողմից[2]։