From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Šmrěčnik (němsce Fichtelberg) je hora w sakskim Rudnohórskim wokrjesu blisko čěskeje hranicy a z wysokosću wot 1.214,79 metrow najwyši wjeršk zwjazkoweho kraja a druhi najwyši Rudnych horin. Wokolina Šmrěčnika a Oberwiesenthala je najwuznamniši zymskosportowy teren w Sakskej.
Šmrěčnik namaka so połdra kilometra sewjernje saksko-čěskeje hranicy w přirodnym parku Rudne hory/Bohotska. Při južnym boku leži městačko Oberwiesenthal, kotrež je z najwyšim městom w cyłej Němskej. Najwyša hora Rudnych horow je susodny Klinovec na čěskej stronje (1.244 m), kotryž je jenož štyri kilometry zdaleny. W mokrych wužłobinach wokoło Šmrěčnika wužórli so wjele rěčkow, wot kotrychž je Sapawa najwuznamniša.
Na wjeršku Šmrěčnika steja hórska chata Fichtelberghaus, rozhladna wěža, wjedrarnja a markantny wuměrjenski dypk z lěta 1864. Wisata železnička jědźe wot Oberwiesenthala nimale hač na wjeršk.
