Oblasć Pskow je oblasć w sewjerozapadźe europskeje Ruskeje. Leži we Wuchodoeuropskej nižinje při zapadnej hranicy Ruskeje a mjezuje z Estiskej a Letiskej na zapadźe kaž tež z Běłoruskej na juhu. Rusko-estisku hranicu twori Peipuski jězor. Jeje zarjadniske sydło a z 203.000 wobydlerjemi jeničke wulkoměsto je Pskow, jedne z najstaršich ruskich městow. Druhe wuznamne město je Wjelikije Luki z 99.000 wobydlerjemi.