Baskiska je z lěta 1979 autonomna kónčina na sewjerje Španiskeje. Na wuchodźe mjezuje z Navarru, na zapadźe z Kantabriju a Kastilijej a Leonom, na juhu z La Rioju, na sewjerowuchodźe z Francoskej, na sewjerje ma pobróh z Biskajskim zaliwom atlantiskeho oceana. W Baskiskej bydli narod Baskow, kotryž rěči baskišćinu, kotraž je tu tež prěnja hamtska rěč. Španišćina je druha hamtska rěč. Hłowne město Baskiskeje je Vitoria.