Zapadna Dwina (běłorusce Дзвіна/Dzwina, letisce Daugava, rusce Западная Двина/Zapadnaja Dwina, němsce Düna) je 1020 kilometrow dołha rěka w zapadnej Ruskej, sewjernej Běłoruskej a srjedźnym Baltikumje. W Letiskej płaći wona jako narodny symbol a pomjenuje so poetisce tež jako „Maćerka Dwina“ (Daugaviņa māmuliņa).
| Daugava, Дзвіна/Dzwina, Западная Двина/Zapadnaja Dwina | |
| ćeče přez | Rusku, Běłorusku, Letisku |
| žórło | na Waldajskej wysočinje w Ruskej (56° 44′ 10″ S, 32° 18′ 20″ W56.73611111111132.305555555556 ) |
| wysokosć | 221 m |
| wuliw | pola Rigi do Baltiskeho morja (57° 3′ 40″ S, 24° 1′ 22″ W57.06111111111124.022777777778 ) |
| wysokosć | 0 m |
| spad rěki | 0,22 m/km |
| rěčina | Mježa, Dysna |
| dołhosć | 1020 km |
| přestrjeń rěčiny | 87.900 km² |
Rěka wužórli so na Waldajskej wysočinje w zapadoruskej Twerskej oblasći, njedaloko žórlišća Wolgi a běži najprjedy do juhozapadneho směra přez běłorusku hranicu. Tam běži podłu Běłoruskich wyšin do zapada, přez město Wicebsk a dale do juhowuchodneje Letiskeje. Za městom Daugavpils (Dünaburg) so do sewjerozapada wobroći. Po wjacorych wulkich rěčnych zawěrach docpěje rěka letisku stolicu Rigu. W měšćanskim dźělu Daugavgrīva so do Rigaskeho zaliwa Baltiskeho morja wuliwa.
Zapadna Dwina je zwjetša pławna a stwori tuž ze starodawna wažny wikowanski puć mjez Baltiskim morjom a wuchodnej Europu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
