serbski filmowc From Wikipedia, the free encyclopedia
Toni Bruk (* 11. septembra 1947 w Kubšicach; † 17. decembra 2020) bě serbski filmowc a płaći jako pućrubar za serbski film.
Narodźi so jako syn serbskeje Brukec swójby w Kubšicach. W Lipsku a Praze studowaše literarne wědomosće a bě aktiwny we wysokošulskej župje Domowiny "Jan Skala".
1972 napisa Bruk scenarij za film Konrada Herrmanna Struga – wobrazy jedneje krajiny, w kotrejž jewjachu so negatiwne wuskutki brunicy za ludnosć a přirodu wokoło Slepoho. W lěće 1979 namjetowachu někotři Serbja, mjez nimi Bruk a Alfred Krawc ministrej za kulturu NDR wutworjenje serbskeje filmoweje skupiny, zo by so serbski film profesionalizował. Lěto pozdźišo bu tuta załožena. Lětnje nastachu dwě do tři produkcije, mjez nimi tež portretaj wo Mari Grólmusec a Mari Kubašec; w lěće 1984 slědowaše Da sym ja ta poslednja po powědančku Bena Budarja. Tež hromadźe z DEFA-studijom za trikowe filmy w Drježdźanach realizowachu so serbske projekty. Zhromadnje dźěłachu tež ze studijami we wukraju, tak w Čěskosłowakskej, Pólskej, w Sowjetskim zwjazku a w Juhosłowjanskej.
Po přewróće wuchadźa z filmoweje skupiny filmowe studijo SORABIA, kotrež běše dlěši čas tež zamołwite za delnjoserbske telewizijne wusyłanje Łužyca.
Wón zemrě w decembrje 2020 na sćěhi infekcije z koronawirusom.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.