From Wikipedia, the free encyclopedia
Sucha mlóčeń (Euphorbia cyparissias) je rostlina ze swójby mlóčenjowych rostlinow (Euphorbiaceae).
Sucha mlóčeń (Euphorbia cyparissias) | |
systematika | |
---|---|
Domena | Eukaryoty |
Swět | Rostlinstwo |
Rosidy Eurosidy I | |
rjad: | (Malpighiales) |
swójba: | Mlóčenjowe rostliny (Euphorbiaceae) |
ród: | Mlóčeń[1] (Euphorbia) |
družina: | Sucha mlóčeń |
wědomostne mjeno | |
Euphorbia cyparissias | |
L. | |
Sucha mlóčeń je wjacelětna rostlina (trajne zelo), kotraž docpěje wysokosć wot 15 hač do 30 (40 abo 50) cm. Rostlina je naha, wobsahuje běłu brěčku a ma podzemske wotnožki. Stołpiki su deleka wodrjewjene, njesu hač do 20 njekćějacych, husto łopjenatych a hač do 10 kćějacych bóčnych hałuzow.
Měnjate łopjena su wuske, jasnozelene, linealiske hač nimale nitkojte, cyłokromne a docpěja dołhosć wot 1,5 hač do 3 (4) cm a šěrokosć wot 2 hač do 3 mm. Njekćějace wurostki su husto łopjenate.
Kćěje wot apryla hač do julija (awgusta). Kćenja steja w njeprawych wokołkach z 10 hač 20 promjenjemi. Přikrywne łopješka kwětnistwow su njezrosćene, šěroko-třiróžkate a najprjedy žołte ale pozdźišo čerwjenojte. Žołte žałzy kćenjoweho keluška ma formu połměsačka a njesu 2 róžkaj.
Rostlina wobsahuje toksiske triterpeny w běłej brěčce.
Rosće na suchich pěskowych pódach, předewšěm na suchich trawnikach, na kamjentnych skłoninach, w swětłych kerčinach, na wobkromach a na pućowych kromach. Ma radšo skerje suche a bazowe pódy.
Rostlina je w srjedźnej a južnej Europje rozšěrjena, při čimž w Němskej w sewjerozapadnej nižinje faluje.
Rostlina je často wot wotmjatkow podeńdźena, při čimž je nachwilny hosćićel hrochoweho womjatka (Uromyces pisi). To skutkuje typiske patwory rostliny, kotraž nimo toho njekćěje. Potom je jasnozelena, šwižna a njerozhałuzowana. Nimo toho njese na delnim boku skrótšenych łopjenow oranžowe pucherki.
Wona je hłowna picowanska rostlina husańcow mlóčenjoweje chodojty.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.