Zjednoćena socialistiska strona Němskeje (němsce Sozialistische Einheitspartei Deutschlands, skrótka SED) bě politiska strona w Němskej, załožena dnja 22. apryla 1946 w Sowjetskim wobsadniskim pasmje přez zjednoćenje stronow KPD a SPD. Zjednoćenje a wuwiwanje k statnej stronje 1949 załoženeje Němskeje demokratiskeje republiki staštej so pod wliwom sowjetskeje wobsadniskeje mocy.
Hač do lěta 1990 knježeše SED w NDR po zakonju sama. Čłonojo strony skutkowachu w organach na wšěch třoch runinach stata (eksekutiwje, legislatiwje a judikatiwje), tak zo hodźi so NDR charakterizować jako knjejstwo jeničkeje strony. W oktobrje 1989 měješe SED 2,3 miliony čłonow, štož wotpowěduje 13,8 % tehdyšeho wobydlerstwa NDR.
Najwjetšu móc w stronje měješe generalny sekretar – wot 1950 do 1971 Walter Ulbricht, potom hač do 1989 Erich Honecker a w poslednich měsacach Egon Krenz. Posledni předsyda SED pod starym mjenom bě w decembrje 1989 Gregor Gysi.
Za čas přewrota zhubi SED swoju rólu jako statna strona a přemjenowa so w decembrje 1989 najprjedy do Sozialistische Einheitspartei Deutschlands – Partei des Demokratischen Sozialismus (SED-PDS) a dnja 4. februara 1990 do Partei des demokratischen Sozialismus (PDS). PDS bě předchadnica dźensnišeje Lěwicy.
Wotkazy
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
