Rólna wijawka

Rólna wijawka^[1][3] (Convolvulus arvensis) je rostlina ze swójby wijawkowych rostlinow (Convolvulaceae). Dalšej serbskej ludowej mjenje stej sedłač^[1][4][3] a sobołk^[1][5].

Rólna wijawka

Rólna wijawka (Convolvulus arvensis)
systematika
Domena	Eukaryoty
Swět	Rostlinstwo
	Asteridy Euasteridy I
rjad:	(Solanales)
swójba:	Wijawkowe rostliny (Convolvulaceae)
ród:	Wijawka[1][2] (Convolvulus)
družina:	Rólna wijawka[1][3]
wědomostne mjeno
Convolvulus arvensis
L.
Wikipedija:Projekt za botaniku
p • d • w

Wopis

Běłe kćenje z čerwjenymi blečkami

Kapslowy płód a symjenja.

Rólna wijawka je trajne zelo, kotrež docpěje wysokosć wot 20 hač do 80 cm.

Stołpiki su ćeńke a deleka ležace, lězuce abo nalěwo wijace.

Łopjena

Łopjena su wutrobojte hač šipojte a 3 hač 6 raz tak dołhe kaž šěroke. Wone docpěja dołhosć wot 3 hač do 4 cm.

Kćenja

Kćěje wot junija hač do septembra. Kćenja su likojte, běłe abo róžojte a docpěja dołhosć wot 1,5 hač do 2,5 cm. Wone sedźa na dołhich stołpikach w łopjenowych rozporach.

Stejnišćo

Rosće na rolach, winicach, w zahrodach, na smjećowych městnach, pućnych kromach a pustych płoninach. Ma radšo małohumozne pódy.

Rozšěrjenje

Rostlina je w Europje rozšěrjena.

Wužiwanje

Nóžki

1. Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 540.
2. W internetowym słowniku: Winde
3. W internetowym słowniku: Ackerwinde
4. Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 451.
5. Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 468.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 220 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 54 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Commons

Hlej wotpowědne dataje we Wikimedia Commons:
Rólna wijawka