serbski wučer a kulturny stawiznar From Wikipedia, the free encyclopedia
Michał Awgust Brojer (němsce Michael August Bräuer, tež Piwarc; * 23. awgusta 1801 w Radworju, † 5. julija 1871 w Budyšinje) bě serbski wučer a kulturny stawiznar.
Narodźi so jako syn wučerja a prawnuk z Čěskeje pochadźaceho Jana Wencla Brojera w Radworju. Po ludowej šuli wopytowaše wot 1817 do 1821 Krajnostawski wučerski seminar w Budyšinje a nastupi w lěće 1821 w Chrósćicach swoje prěnje wučerske městno. 1827 bu wot patronki šule, klóšterskeje knjenje, wupowědźeny, dokelž chcyše so woženić, tak zo bě do 1829 bjez dźěła. Wot 1829 do 1831 dźěłaše jako domjacy wučer w Jaseńcy. W tym času so dwójce podarmo wo wučerske městno w Chrósćicach prócowaše. 1831–33 bě z pomocnym wučerjom na Ralbičanskej šuli a 1833–36 z wučerjom na Budyskej Tachantskej šuli. W lěće 1836 nastupi wučerske zastojnstwo we Wotrowje, hdźež hač do wuměnka w lěće 1859 wosta. Po wuměnku so do Budyšina přesydli, hdźež bě wot 1860 do 1870 z organistom Serbskeje cyrkwje.
Michał Awgust Brojer napisa 1838 nastawk Das Kirchdorf Ostro do zwjazka Die Oberlausitz als besondere Abteilung von Sachsens Kirchen-Galerie a w lětomaj 1848/49 wjacore małe přinoški do Jutnitžki.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
