Lubina Holanec-Rawpowa
serbska hudźbnica From Wikipedia, the free encyclopedia
serbska hudźbnica From Wikipedia, the free encyclopedia
Lubina Holanec Rawpowa (němsce Lubina Raupp-Hollan; * 23. meje 1927 w Budyšinku, † 2. meje 1964 w Drježdźanach) bě serbska koncertna organistka.
Narodźi so jako dźowka Budyšinskeho wučerja Arnošta Holana a młódša sotra Ludmile Holanec a wopytowaše 1938–46 realny gymnazij w Budyšinje. Pola cyrkwinskeho hudźbneho direktora Horsta Schneidera da so na pišćele wukubłać a studowaše wot 1947 na Lipšćanskej Wysokej šuli za hudźbu, 1948 pokročowaše na Praskim konserwatoriju pola Jiřija Reinbergera, kotryž přiwza ju w lěće 1949 do swojeje pišćeloweje rjadownje při Akademiji hudźbnych wuměłcow. Wot 1954 do 1956 běše z aspirantku pola Thomasoweho kantora Günthera Ramina w Lipsku, zdobom wudospołni so pola Roberta Köhlera na cembalu a pola Amadeusa Webersinke na klawěrje. 1956 so do Budyšina wróći.
Wona běše mandźelska serbskeho komponista Jana Rawpa, z kotrymž měješe zhromadneho syna.
Lubina Holanec-Rawpowa so na wuznamnych koncertnych zarjadowanjach, mjezynarodnych wurisanjach a hudźbnych festiwalach wobdźěli. 1951 doby prěnje myto w hudźbnym wubědźowanju čěskosłowakskich hudźbnych akademijow, 1955 slěbornu medalju na mjezynarodnym wubědźowanju w Genfje, 1958 bě lawreatka mjezynarodneho pišćeloweho wubědźowanja w Praze. W lěće 1962, hižo schorjena, přewjedźe turneju přez Sowjetski zwjazk a hraje w Moskwje, Leningradźe, Rize a Tallinnje.
Do jeho repertoira słušachu mjez druhim twórby Johanna Sebastiana Bacha, Maxa Regera, Paula Hindemitha a Johannesa Brahmsa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
