From Wikipedia, the free encyclopedia
Kilimandźaro (jendźelsce Kilimanjaro) je z 5895 metrami nad mórskej hładźinu najwyši hórski masiw w Africe. Nadeńdźe so na sewjerowuchodźe Tansanije a ma z Kibom najwyši wjeršk tohole kraja a cyłeho kontinenta, kotryž słuša tuž k „Seven Summits“, najwyšim horam kóždeho kontinenta. Wot 1902 do 1964 rěkaše hora Kaiser-Wilhelm-Spitze abo Wilhelmskuppe po němskim kejžoru Wilhelm II.
Wot lěta 1987 steji krajina wokoło Kilimandźara na UNESCO-lisćinje swětoweho herbstwa. Hižo wot 1973 wobsteji narodny park Kilimandźaro.
Masiw Kilimandźara wobsteji z hoberskeho wulkana, ma rozměr wot něhdźe 80 króć 60 kilometrow a nadeńdźe so 350 kilometrow južnje ekwatora a něhdźe 500 kilometrow sewjerozapadnje Daressalama blisko hranicy z Keniju. Keniska stolica Nairobi nadeńdźe so 200 kilometrow do sewjerozapada. Wokolina Kilimandźara leži mjez 750 a 1000 metrami nad mórskej hładźinu a wobsteji zwjetša z trawneje stepy.
Najwyši z třoch wjerškow masiwa a tuž najwyši dypk Tanzanije a cyłeje Afriki je 5895 metrow wysoki zalodowčany Kibo (tež Uhuru Peak). Druhej wjerškaj stej Mawenzi dźesać kilometrow wuchodnje Kiba (5148 m), kotryž nima lodowca, a Shira něhdźe 15 kilometrow zapadnje Kiba (3962 m).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.