Jan Michał Haška (němsce Johann Michael Haschke; * 13. septembra 1778 w Kulowje, † 27. januara 1854 w Budyšinje) bě serbski katolski farar a spisowaćel nabožinskich spěwow.
Narodźi so jako syn měšćanskeho žiwnosćerja a běše wot 1792 do 1802 chowanc Serbskeho seminara w Praze, hdźež wopytowaše wot do 1797 němskorěčny Małostronski gymnazij. Po tym studowaše hač do lěta 1799 filozofiju a wot 1799 do 1802 teologiju. Po nawróće do Łužicy skutkowaše 1802–24 jako kapłan a wot 1824 do 1834 jako farar w Chrósćicach. Wot 1834 do 1842 bě šolastik a potom hač do swojeje smjerće w lěće 1854 kantor při Budyskim tachantstwje.
Haška bě spřećeleny z młodym Francom Schneiderom a wuda w 1840tych lětach někotre nabožinske spisy. Měrješe so přećiwo reformam w serbskej rěči a prawopisu. Najebać toho bě sobuzałožer Maćicy Serbskeje a hač do lěta 1853 jeje wuběrkownik.
- Jezusowa winica, to je modlerske ha spěwarske knihi... (zhromadnje z Adolfom Sommerom), Budyšin 1836
- Katechismus teje křesćianskeje katolskeje wučbe, Budyšin 1848
- Swjate sćenja, lekciony ha epistle na njedźele ha swjate dny cyłeho lěta..., Budyšin 1848
- J. Buk: Nekrolog. W ČMS 7 (1853/54), str. 55–63
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
