historiska krajina we wuchodnej Europje From Wikipedia, the free encyclopedia
Bessarabska (rumunsce Basarabia, ukrainsce Бессарабія, rusce Бессарабия/ Bessarabija) je historiska krajina we wuchodnej Europje, kotraž so rozpřestrěwa mjez rěkomaj Prut na zapadźe a Dnjestr na wuchodźe. Južnu hranicu twori pobrjóh Čorneho morja.
Něhdyša Bessarabska słuša dźensa z wjetšeho dźěla do Moldawskeje; jeničce južny dźěl (Budźak) a samón sewjer wokoło Chotyna słušatej do Ukrainy.
Přez lětstotki předstaješe Bessarabska přechodne pasmo mjez wulkomocami Rakusko-Wuherskej, Ruskej a Osmaniskim mócnarstwom. W lěće 1812 přińdźe pod ruske knjejstwo, hdźež bě hłownje wot Rumunow wobsydlena krajina hač do lěta 1917 dźěl Bessarabskeho guwernementa. Po krótkej njewotwisnosći 1918 bě region hač do Druheje swětoweje wójny dźěl Rumunskeje a wot 1944 słušeše do Sowjetskeho zwjazka.
W lěće 1897 měješe Bessarabska cyłkownje 1,94 milionow wobydlerjow, z kotrychž běchu 47,6 % Rumunojo, 19,6 % Ukrainjenjo, 11,8 % Židojo, 8,1 % Rusojo, 5,3 % Bołharojo a 3,1 % Němcy.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
